Elgoibarren EAJk irabazi du eta EHBildu izan da bigarren

elgoibarren.net 2012ko urr. 21a, 21:31
Deskargatu Info Ahotsak :
Español English Français Català Galego

Mendaron bezala, Elgoibarren ere EAJ alderdiak lortu ditu boto gehien: 2.328 (botoen %39,29). Eusko Legebiltzarrerako 2009ko hauteskundeekin alderatuz, EAJk 78 boto gutxiago eskuratu ditu gaur.

 

1706638003607 Elgoibarren EAJk irabazi du eta EHBildu izan da bigarren

Bigarren indarra EHBildu koalizioa izan da. EHBilduk 1.959 boto eskuratu ditu, hain justu ere botoen %33,06. Gaur EHBildu osatzen duten alderdiek 2009an batu zituzten botoekin alderatuz gero, 464 boto gehiago, hain justu ere. Eta hirugarren indarra, PSE-EE izan da, 988 botorekin (botoen %16,68). Orain lau urteko hauteskundeetan, sozialistek 1.462 boto lortu zituzten. Alderdi Popularak 354 boto lortu ditu, orain lau urte baino 73 boto gutxiago.

•EMAITZAK:

Errolda: 8.902   Parte-hartzea: %67,80   Abstentzioa: %32,20

  • EAJ: 2.328
  • EHBILDU: 1.959
  • PSE-EE: 988
  • PP: 354
  • UPyD: 38 

•Iñaki Lazarobaster legebiltzarkide izango da

1706638003699 Elgoibarren EAJk irabazi du eta EHBildu izan da bigarren

EH Bildu koalizioak bederatzi eserleku lortu ditu Gipuzkoan, eta, honenbestez, Iñaki Lazarobaster izango da legebiltzarkideetako bat, zerrendetan zazpigarren postuan aurkeztu zuen-eta EH Bilduk. Gogoratu, alderdiek Eusko Legebiltzarrerako hauteskundeetara aurkeztutako hautagaien zerrendetan hiru elgoibartar ageri zirela.
Ikus hemen legebiltzarkide guztiak.

∞Lotura duten albisteak:

 

 
 
 
Politika Elgoibar