Sei lagunek osatutako talde txiki batek hartu zuen parte Deba ibaia garbitzeko lan saioan. Partaideen artean Urgarden elkarteko kideak zeuden, ibaiak garbitzea helburu duen Donostiako boluntario taldeko kideak, hain zuzen ere.
Merkatu plazatik King Kong-eko zubira arteko ibai zatia garbitzen jardun zuten boluntarioek, eta era guztietako hondakinak batu zituzten: plastikozko poltsak, trapuak, forjako alanbreak eta konpresa ugari, besteak beste. Urgarden taldeko kideek ondorengo bideoa grabatu zuten:{vimeo}53486656{/vimeo}
Ibaian aurkitutako hainbat hondakinek erakusten dutenez, oraindik ere bada jendea zaborra komunetik behera botatzen duena eta horren gainean ohartarazi egin nahi izan zuten antolatzaileek, zaborra banatu eta dagokion edukiontzira bota behar dela, alegia. Lana amaitutakoan, mokadu bat eskaini zieten boluntarioei, egindako lanaren eskertzeko. eskerrak emateko.
Deba ibaia garbitzeko ekimena Elgoibarko Udalak, Debegesa Garapen Agentziak, Morkaiko Mendizale Elkarteak eta Gazte Asanbladak antolatu dute, Uraren Euskal Agentziaren laguntzarekin. Ibaiaren ingurumen-balioa zaindu eta mantentzeko sentsibilizazio-lana egitea du helburu ekimen honek eta, ibai eta errekak garbi mantendu behar ditugula ohartaraztea.
|
|
∞Lotura duten albisteak:
- Deba ibaia garbitzeko auzolana zapatuan egingo dute (2012-11-06)
- Bertan behera gelditu da Deba ibaia auzolanean garbitzeko ekitaldia (2012-10-19)
- Deba ibaia garbitzeko auzolana antolatu dute urriaren 20rako (2012-10-10)
- Udalak 262.000 euroko kalteak zenbatu ditu azken euriteen ondoren (2011-11-23)
- Hondakinez beteriko 150 poltsa atera zituzten Deba ibaia garbitzen jardun zuten lagunek (2011-11-15)
- 1983ko eta 1988ko ufaletan baino euri gehiago egin du asteburuan Elgoibarren (2011-11-10)
- Asteburuko euriteak 212 litro ur eta kalte ugari laga ditu Elgoibarren eta Mendaron (2011-11-07)