Kalegoen plazan batu eta handik ikastolara arteko bidea kantuan egin dute gaztetxoek. Barixakutik domekara ere izango da, baina, zertaz gozatua. Barixakuan, esaterako, Elgoibarko Parrokiako Abesbatzak kontzertua eskainiko du, 19:00etako meza ostean. Alaitz Urkiak zuzenduko du abesbatza, Juan Luis Agirrek joko du organoa eta Ander Simalek pianoa (ikusi egitaraua/PDF).
Domekan, berriz, 10:00etan, kalejiran irtengo dira Elgoibarko Udal Musika Bandakoak, eta ondoren, 12:30etik aurrera, kontzertua eskainiko dute Elgoibarko Herriko Antzokian. Aurrez, bezperan, meza izango da San Bartolome parrokian, 19:00etan, Udal Musika Bandako hildako kideen omenez.
Era berean, domekan, azaroaren 25ean, Keu Agirretxeak kontzertua eskainiko du Kultur Etxeko sotoan, 19:00etatik aurrera. Sinuosek antolatutako kontzertua da, eta sarrerak hiru euroan jarriko dituzte salgai.
|
|
|
|
|
|
|
|
