Gai honi lotuta, emakumeentzako autodefentsa ikastaroa, Amodio hilgarriak tailerra, genero indarkeriaren prebentzioa sare sozialetan hitzaldia eta ipuin kontalari baten saioa antolatu dituzte. Gaztelekuan, bestalde, erakusketa antolatu du dute eta abenduaren 30era arte egongo da ikusgai. Eguaztenetik domekara bitartean bisita daiteke erakusketa, 17:00etatik 20:00etara artean.
•Bideo-forum arrakastatsua
Emakumeenganako Indarkeriaren Kontrako Egunaren harira, "Solo Mia" filmaren inguruko zine-foruma antolatu zuen Haizea emakume taldeak, joan den barixakuan. Filmaren emanaldiaren ostean, ikusitakoaren inguruko hausnarketa egin zuten Kultur Etxeko hitzaldi gelan batu ziren 45 lagunek, Loredi Salegiren gidatu zuen eztabaida saioan. Antolatzaileak oso gustura daude zine-forumak izan zuen harrerarekin. "Adin eta era guztietako emakumeak batu ginen, 24 eta 65 urte artekoak, eta baita gizonezko bat ere", adierazi dute Haizeakoek.