Asier Cuevas korrikalari eibartarrak eta Yolanda Gutierrez galiziarrak irabazi zuten atzo (azaroak 25) 35. Donostiako DKV maratoia. Cuevasek bi ordu, 23 minutu eta 23 segundu behar izan zituen 42 kilometroak eta 195 metroak -maratoiaren distantzia- osatzeko. 29 urte ziren gipuzkoar batek garaipena lortzen ez zuela froga honetan.
Guztira, 2.613 korrikalarik lortu zuten Donostiako Maratoia amaitzea, tartean bost mendaroarrek eta bederatzi elgoibartarrek. Horien artean, Iker Maiorak egin zuen denborarik onena. Emaitza bikainak lortu ditu Maiorak maratoietan, azken urteetan. Orain hiru urteko Donostiako maratoian, esaterako, lehen gipuzkoarra izan mendaroarra, eta, 2010ean, Gipuzkoako txapeldunordea. Atzo, aipaturiko maratoi horietan eginiko marketara hurbilduz gero, -bi ordu eta 27 minuturen bueltan, alegia-, Asier Cuevasengandik gertu ibiltzeko aukera izan zezakeen, baina, 10 minutuko aldea atera zion entrenamenduetan lagun izan ohi duen Cuevasek. Hala eta guztiz, meritu handiko 13. postuan sailkatzea lortu zuen Iker Maiorak. Jose Antonio Ruiz del Reyk ere lasterketa aparta egin zuen eta 17. postuan sailkatu zen (2 ordu 36 minutu eta 9 segundo).
Emakumezkoetan, Yolanda Gutierrez galiziarrak irabazi zuen proba, 2:45:43ko denborarekin. Bigarren Amaia Ostolaza sartu zen bi ordu 49 minutu eta 32 segunduko denborarekin. Beste gipuzkoar batek osatu zuen podioa, Maria Lopez de Tejadak, hain zuzen ere ( 2 ordu 52 minutu eta 51 segundu). Maite Maiora helmuga zeharkatu zuen zortzigarren emakumea izan zen eta bere kategoriako, senior emakumezkoak, laugarren sailkatua. Hiru ordu, bi minutu eta bederatzi segundoan osatu zuen maratoia.
•Mendaroarren eta elgoibartarren sailkapenak: (sailkapen osoa hemen)
- Iker Mayora Elizondo 2:34:40 (13. postua)
- Jose Antonio Ruiz del Rey 2:36:09 (17)
- Alonso Gomez Viña 2:41:17 (43)
- Xabier Bergaretxe Olabide 2:43:11 (57)
- Gotzon Zulaika Arakistain 2:52:17 (192)
- Maite Maiora Elizondo 3:02:09 (454)
- Iker Amutxastegi Fernandez 3:30:18 (1.406)
- Miguel Angel Montes Crespo 3:32:22 (1.460)
- Borja Rodriguez 3:33:17 (1.523)
- Asier Arzamendi Mujika 3:38:47 (1.673)
- Fernando Loyola Zelaia 3:42:55 (1.789)
- Mikel Cortabitarte Berasaluze 3:53:29 (2.063)
- Javier Hernando Albert 3:55:11 (2.118)
- Miguel Angel Castro Garrues 4:00:10 (2.243)
•Argazkiak:
|
|
|
|
|
|
|
|
∞Lotura duten albisteak:
- Iker Maiora Gipuzkoako txapeldunorde maratoian (2010-11-29)
- Donostiako Maratoian lehen gipuzkoarra izan da Iker Maiora (2009-11-30)