Torneoa irabazteko faborito nagusienetakoa zen Azer Mirzoev. Azken bi ekinaldiak irabazteaz gain, berak baitzuen ELO maila altuena Elgoibarko Maisuen Nazioarteko Xake Txapelketan parte hartu duten hamar xakelarien artean. Jardunean dauden xakelarien munduko sailkapenean 420. postuan ageri da Azerbaijango xakelaria.
Iragarpenak bete dira bai, baina ez betetzeko zorian ere egon dira. Izan ere, azken jardunaldira berdinduta ailegatu dira Azer Mirzoev batetik, eta Cristian Cruz, bestetik. Txapelketako azken jardunaldiak, baina, ez du aldaketarik ekarri lehen postuetara. Lehen hiru sailkatuek berdindu egin dituzte euren partidak eta aurrez zuten postuan amaitu dute: Mirzoev garaile, Cruz bigarren eta Viktor Moskalenko hirugarren. Aldiz, Ana Matnadze izan da azken jardunaldiari probetxu gehien atera diona, seigarren postutik laugarrengora egin baitu. Espainiar nazionalitatea duen xakelari georgiarra estreinakoz aritu da Elgoibarren, eta txapelketa oso ona burutu du. Santiago Gonzalez de la Torrek ere maila bikaina erakutsi du txapelketan parte hartzeko gonbidapena jaso zuen azkenetarikoa izan zen arren. Azkenean, bosgarren postuan sailkatu da Nazioarteko Maisu bizkaitarra. Paul Velten frantziar gaztea sailkatu da seigarren. 19 urterekin Torneoko xakelaririk gazteena izan arren, Nazioarteko Maisu gradua eskuratu du Elgoibarren lortutako puntuei esker. Aleksa Strikovic, David Astasio, Nino Batsiashvili eta Patrice Etchegaray sailkatu dira jarraian.
•Sailkapena:
- Azer Mirzoev..............6 puntu
- Cristian Cruz...............6
- Viktor Moskalenko......5,5
- Ana Matnadze...... ......5
- Santi González............5
- Paul Velten...................5
- Aleksa Strikovic............4,5
- Nino Batsiashvili;..........3
- David Astasio.................3
- Patrice Etxegaray...........2
- Informazio osoagoa: xake.net
•Kerexeta eta Iriondo garaile eskolartekoan
Elgoibarko Xake Taldeak antolatzen duen xake txapelketan Markel Kerexeta izan da, beste behin ere, irabazlea. Bost garaipen eta berdinketa bat lortu ditu Kerexetak. Paul Fernandez sailkatu da bigarren postuan, lau garaipen eta bi berdinketarekin. Lehen mailan aritu dira biak, beste dozena bat xakelarirekin lehian, 2000 eta 2001 urteetan jaiotakoak guztiak. Gaztetxoagoen mailan hamahiru xakelari aritu dira lehian eta Haritz Iriondo izan da irabazlea, lau garaipen eta bi berdinketarekin. Etxeko txikienen artean xakea sustatzeko asmoz antolatzen du txapelketa Elgoibarko Xake Taldeak. Nazioarteko Xake txapelketan parte hartu duten xakelarien eskutik jaso dituzte sariak.
Elgoibarko Xake Taldeak antolatzen duen xake txapelketan Markel Kerexeta izan da, beste behin ere, irabazlea. Bost garaipen eta berdinketa bat lortu ditu Kerexetak. Paul Fernandez sailkatu da bigarren postuan, lau garaipen eta bi berdinketarekin. Lehen mailan aritu dira biak, beste dozena bat xakelarirekin lehian, 2000 eta 2001 urteetan jaiotakoak guztiak. Gaztetxoagoen mailan hamahiru xakelari aritu dira lehian eta Haritz Iriondo izan da irabazlea, lau garaipen eta bi berdinketarekin. Etxeko txikienen artean xakea sustatzeko asmoz antolatzen du txapelketa Elgoibarko Xake Taldeak. Nazioarteko Xake txapelketan parte hartu duten xakelarien eskutik jaso dituzte sariak.
Argazkiak:
|
|
|
|
|
|
|
|
|
|
∞Lotura duten albisteak:
- Jokoan da Nazioarteko Xake Txapelketa (2012-12-12)
- Aurpegi berriak izango ditu nazioarteko xake txapelketak (2012-11-27)
- Azer Mirzoev nagusi, bigarren urtez jarraian, Nazioarteko Xake Txapelketan (2011-12-21)
- Azer Mirzoevek bigarren aldiz jantzi du txapela Elgoibarko xake txapelketan (2010-12-22)
- Hamar xakelari eta helburu bakarra: xake-matea (2009-12-11)
- Lortuko ote du Korneev errusiarrak zazpigarren txapela? (2009-11-24)
- 313.136 lagunek jarraitu zuten Internet bidez Xake Txapelketa (2009-01-15)
- Korneev
errusiarraren seigarren garaipena Nazioarteko Xake Txapelketan (2008-12-19)
- 14
urteko haur prodijioa Nazioarteko Xake Txapelketako partaideen artean (2008-12-12)
- Kamil Miton poloniarrak irabazi du Nazioarteko Xake Txapelketa (2007-12-17)
- Internetez
jarraitu ahal izango da aurten Nazioarteko Xake Txapelketa
(2007-12-10)
- Emakume batek parte hartuko du Nazioarteko Xake Txapelketan (2006-12-11 )
- Munduko xake jokalari onenak Elgoibarko Xake Txapelketan hasi zuen nazioarteko ibilbidea (2006-11-24)
- Azer
Mirzoev irabazle Nazioarteko Xake Txapelketan (2006-12-18)
- Elgoibarko Nazioarteko xake Txapelketaren memoria historikoa 1991-2006. (Ramón Mugicak idatzia *gazteleraz)