Obegisa S.A. enpresak egin ditu Iñigez Karkizao kalea urbanizatzeko lanak, tartean lurrazpiko pasabide berria. Iñigez Karkizao kaleko obretan trazatua berritzea, eta inguru horretako trafikoaren joan-etorria arintzea izan dira lanak egitearen arrazoi nagusia. Besteak beste, euri uren sarea, argiak eta zorua ere berritu dituzte ingurune honetan. Lurrazpiko pasabideari dagokionez, pasabide zaharra zegoen lekutik gertu egin dute berria. Beheko sarrera, Pedro Mugurutza kalekoa, lehengo bera da, baina irteera lehengoa baino metro batzukbeherago dago orain. Hasierako proiektuak ez zuela jasotzen lurrazpiko pasabidea egitea argitu du Alfredo Etxeberria Elgoibarko alkateak. Alabaina, egitea erabaki zuten azkenean. "Bi kaleak batzeko igogailua egongo da metro batzuk gorago eta, hortaz, auzotarrek ez dute pasabidearen beharrik izango. Hala ere, urte askoan izan dute pasabidea, eta badaezpada pasabide berria egitea hobe izango zela erabaki genuen. Eta orain zen momentua".
|
|
∞Lotura duten albisteak:
- Abenduan hasiko dituzte Toletxegain parean egingo duten pasabidea eraikitzeko lanak (2012-10-18)
- Hasi dira Iñigez Karkizao eta ikastola ingurua urbanizatzeko lanak (2012-07-17)
- Ikastola inguruko aparkaleku kopurua bikoizteko lanak abuztuan hasiko dira (2012-05-24)
- Bi igogailurekin batuko dituzte Gabriel Krutzelaegi eta Pedro Muguruza kaleak (2011-11-15)