Gaur iluntzean banatuko dituzte Kirol Sariak, Kultur Etxeko sotoan

elgoibarren.net 2012ko abe. 19a, 12:55
Deskargatu Info Ahotsak :

 
Elgoibarko Kirol Federatuaren Urteko Sariak banatuko dituzte gaur (abenduak 19), 19:00etatik aurrera, Kultur Etxeko sotoan. Azken urteotako ohiturari jarraituz, sariak banatu aurretik kirolarekin zerikusia duen mahai ingurua antolatu du Udal Kirol Patronatuak. Txirrindularitzaren inguruan jardungo dute aurten, eta izen handiko txirrindulariak eseriko dira mahaiaren bueltan: Eneritz Iturriaga, Iban Velasco, Ruben Perez, Amets Txurruka eta Pedro Horrillo (ondoko argazkian).


2011ko sarituak.

Elgoibarko Udal Kirol Patronatuak herriko kluben lana aintzat hartu eta klub bakoitzeko kirolari zein kirolaren alde lanean diharduten hainbat lagun sarituko ditu 2012ko Elgoibarko Kirol Federatuaren Urteko Sarietan. Herriko kirol elkarte bakoitzak, bere modalitatean, saria jasotzea merezi duen kirolaria, zuzendaria, entrenatzailea edo laguntzailea aukeratuko du. Horrez gain, Udal Kirol Patronatuak bi sari berezi banatuko ditu. Hortaz, guztira 17 sari banatuko dituzte.
•Txirrindularitzaren gaur egungo egoera eztabaidagai
  Txirrindularitzaren egoerari buruzko mahai inguruarekin hasiko da sari banaketa ekitaldia., 19:00etan. Txirrindulari profesionalek eta izandakoek hartuko dute parte solasaldian. Honako hauek izango dira mahaikideak:

  • Eneritz Iturriaga: 32 urteko abadiñoarra, aurten utzi du txirrindularitza eta estatuko onenetarikoa izan da bere ibilbidean.

  • Pedro Horrillo: 38 urteko ermuarra, Quick Step eta Rabobank taldeetan aritutakoa.

  • Iban Velasco: 32 urteko arrasatearra. Azken 5 urteetan Euskaltelen izan eta gero, aurten Caja Ruralen korrituko du.
  • Ruben Perez: 31 urteko zaldibiarra. Azken 7 urteak Euskaltelen daramatza.

  • Amets Txurruka: 30 urteko etxeberriarra. Euskalteletik Caja Ruralera pasako da denboraldi berrian.

  • Koldo Fernandez de Larrea: 32 urteko gasteiztarra, Garmin taldean arituko da denboraldi berrian.
  Mahai-ingurua amaitzen denean banatuko dituzte kirol sariak.
 
 
Kirola Elgoibar