Elgoibarko Izarrak bertsoen inguruan prestatu zuen amaraunean harrapatuta amaitu zuten bai, atzo, bertsolari
eta ikusleek, Herriko Antzokiko bertso saioan.
Antolatzaileek amaraun handi bat irudikatu zuten
oholtza gainean, eta Andoni Egañak ere halaxe kantatu zuen: “Bertso
urtea ez da bukatzen, Elgoibartik pasa gabe. Izarrakoen amaraunean
harrapatuak baigaude”. Elgoibarko Izarrako Beinke bertso-eskolako
ikasleek ere hartu zuten parte saioan. Hain zuzen ere, eurek izan zuten
Herriko Antzokira bete zuten lagunei ongi-etorria egiteko ardura. Euren
burua eta bertso eskola aurkeztu zituzten bertsotan, goiko bideoan ikus
dezakezuen moduan (bideoa eta argazkiak dauzka)
Unai Iturriaga, Alaia Martin, Andoni Egaña, Xabier Amuriza eta Jon Maia aritu ziren atzo bertsotan Herriko Antzokian, denak ere Uxue Alberdiren esanetara.
