|
|
Urgazi Triatloi Taldeak 2006ko Urte Zahar Egunean antolatu zuen estreinakoz San Silvestre lasterketa. Harrera ona eduki zuen lasterketak eta 156 lagunek parte hartu zuten lehenengo ekinaldian. Hurrengo hiru urteetan (2007, 2008 eta 2009) ere hainbat lagunek agurtu zuten urtea antxitxika. Azken bi ekinaldietan, baina, Gabon Zahar Feriarekin bat egin zuela-eta, San Silvestre lasterketa ez antolatzea erabaki zuten antolatzaileek. 2012an aldiberekotasun arazorik egon ez arren, ez zen inor animatu proba antolatzera.
•Alberto Revueltaren garaipen berri bat
Euskal Herriko leku askotan egiten dira San Silvestre lasterketak urteko azken egunean. Donostian, esate baterako, 3.000 korrikalarik hartu zuten parte Amara Kirol Elkarteak antolatzen duen proban. Parte hartzaileek 8,6 kilometroko ibilbidea osatu behar zuten eta Alberto Revuelta elgoibartarra izan zen guztietan azkarrena, 25:42 denborarekin. Kilometroa 2:59ko erritmoan egin zuen elgoibartarrak, bigarren gaztaro honetan sasoiko jarraitzen duela erakutsiz. Imanol Cruz donostiarra sailkatu zen bigarren postuan, Revueltarengandik 26 segundora. (ikusi sailkapena)
2012. urtea borobila izan da Alberto Revueltarentzat. Atletismoa urteetan lagata eduki ostean, 37 urterekin itzuli zen lehiaketetara orain dela bi urte, eta garaipen eta postu aipagarriak lortu zituen iaz. Besteak beste, Donostiako 15 kilometroko lasterketa irabazi zuen eta, 2012ko Behobia Donostia lasterketan bosgarren postuan sailkatu zen. Hona hemen, Behobia-Donostia lasterketa prestatzen ari zela eitb-koek Alberto Revueltari egin zioten elkarrizketa:
Euskal Herriko leku askotan egiten dira San Silvestre lasterketak urteko azken egunean. Donostian, esate baterako, 3.000 korrikalarik hartu zuten parte Amara Kirol Elkarteak antolatzen duen proban. Parte hartzaileek 8,6 kilometroko ibilbidea osatu behar zuten eta Alberto Revuelta elgoibartarra izan zen guztietan azkarrena, 25:42 denborarekin. Kilometroa 2:59ko erritmoan egin zuen elgoibartarrak, bigarren gaztaro honetan sasoiko jarraitzen duela erakutsiz. Imanol Cruz donostiarra sailkatu zen bigarren postuan, Revueltarengandik 26 segundora. (ikusi sailkapena)
2012. urtea borobila izan da Alberto Revueltarentzat. Atletismoa urteetan lagata eduki ostean, 37 urterekin itzuli zen lehiaketetara orain dela bi urte, eta garaipen eta postu aipagarriak lortu zituen iaz. Besteak beste, Donostiako 15 kilometroko lasterketa irabazi zuen eta, 2012ko Behobia Donostia lasterketan bosgarren postuan sailkatu zen. Hona hemen, Behobia-Donostia lasterketa prestatzen ari zela eitb-koek Alberto Revueltari egin zioten elkarrizketa: