Candanchu Ski Alp taldeak antolatu du Tobazoko igoera. Parte hartzaileak Candanchu eski estazioan dagoen Faustino kafetegi paretik irten ziren, eta 350 metro igo ostean, Tobazoko gailurrean amaitu zuten proba. Iñigo Lariz izan zen guztietan azkarrena. Larizek hamazazpi minutu eta hogei segundoan osatu zuen igoera. Bi minutuko aldea atera zion helmugan bigarren sailkatuari, Iñigo Martinez de Albornozi. Arkaitz Irureta elgoibartarrak ere lehen postuetan sailkatzea lortu zuen, seigarrengoan, hain zuzen ere.
|
|
- Tobazoko I. Igoerako sailkapena
- Irteerako bideoa hemen
•Larizen denboraldi hasiera indartsua
Mendi lasterketen denboraldi aparta atzean laga, eta indartsu hasi du eski denboraldia Iñigo Larizek. Mendi eskiko kronoigoera txapelketa jokatu zen, joan den abenduaren 29an, La Molina eski estazioan. Euskal selekzioa ordezkatu zuen Larizek eta seigarren postuan sailkatu zen, 2011n lortu zuen zortzigarren postua hobetuz. Gainera, bera izan zen sailkapeneko lehen euskalduna. Modalitate honetako egungo Munduko txapeldunak, Kilian Jornetek irabazi zuen, beste behin ere, Espainiako Txapelketa.
Mendi lasterketen denboraldi aparta atzean laga, eta indartsu hasi du eski denboraldia Iñigo Larizek. Mendi eskiko kronoigoera txapelketa jokatu zen, joan den abenduaren 29an, La Molina eski estazioan. Euskal selekzioa ordezkatu zuen Larizek eta seigarren postuan sailkatu zen, 2011n lortu zuen zortzigarren postua hobetuz. Gainera, bera izan zen sailkapeneko lehen euskalduna. Modalitate honetako egungo Munduko txapeldunak, Kilian Jornetek irabazi zuen, beste behin ere, Espainiako Txapelketa.
Maite Maiorak ere hartu zuen parte proban eta postu aipagarria eskuratu zuen eski gainean egin duen estreinako txapelketan. Sailkapen nagusiko hamargarren postuan sailkatu zen mendaroarra eta bigarren euskalduna izan zen. (informazio osoagoa: http://www.tmtiming.com/crononiu2012)