Saharako errefuxiatuentzako janaria batuko dute hilaren amaiera arte

elgoibarren.net 2013ko urt. 16a, 14:33
Deskargatu Info Ahotsak :
es en fr

Euskal Herriko "Otsailak 27" Sahararen aldeko elkarteen koordinakundeak aditzera eman duenez, aurten ere martxan dago Mendebaldeko Saharako errefuxiatuei laguntzeko janaria batzeko kanpaina. Sahararen aldeko IX. Euskal Karabana: Piztu itxaropena kanpainaren helburu nagusia da, Tindoufeko (Aljeria) errefuxiatuek elikagaietan dituzten premiak asetzea. Behar dituzten produktuak Ermua, Eibar, eta Elgoibarko supermerkatu gehienetan jasotzen dihardute, hilaren amaierara arte.


Asier Gurrutxaga elgoibartarra (ezk.) bigarren eskuko liburuak saltzen ibili da, Eibarren. Arg: Etakitto!

Ohitura duten legez, gehien eskatzen dituzten produktuak honakoak dira: arroza, pasta, lekaleak, azukrea eta hegaluzea zein sardinak (oliotan) eta konpresak. Lagundu nahi duenak hilaren 31ra arte izango du aukera. Elgoibarren, Netto eta Eroski supermerkatuetan jasoko dituzte eskatutako produktuak. Diruz lagundu nahi duenarentzat Euskadiko Kutxan kontu korrontea dago zabalik (3035 0080 94 0800054177). Eta informazio gehiagorako 619 02 9648 telefono zenbakira deitu daiteke.
 Aurrekoez gain, azken asteburuetan Eibarren, Untzagan eta Estaziño kalean, izan dira Eibar-Sahara elkartekoak, bigarren eskuko liburuak saltzen eta bertatik lortutako dirua ere errefuxiatuei bidaliko diete. (goiko argazkian)

 Krisialdiak eragina izan duela baieztatu dute Saharako errefuxiatuen aldeko lanean diharduten boluntarioek eta, urtetik urtera kilo gutxiago batu dituztela jakinarazi dute.
 
 
 
 
 
Gizartea Elgoibar