Thiare familiak hilabeteko semearen gorpua Senegalera eramateko jaso duten laguntza eskertu du

elgoibarren.net 2013ko ots. 1a, 10:15
Deskargatu Info Ahotsak :
es en fr

Esker oneko hitzak baino ez ditu Mamadou Thiarek. Kostata mintzo da gaztelaniaz, baina ondo daki jakin zer esan nahi duen. "Eskerrik asko lagundu diguten guzti-guztiei. Estimatzen diegu gugatik egin duten guztia. Ikaragarria izan da", dio behin eta berriro. Abenduan, hilabeteko umea hil zitzaien Thiaretarrei bat-batean, eta haurraren gorpua Senegalera eraman ahal izateko, diru bilketa kanpaina hasi zuen Herri Eskolako Kalamua guraso elkarteak, berria jakin eta berehala. 2.000 euro inguru batu zituzten.

 

Mamadou eta Amy senar-emazteak, Babacar, Sadio eta Fatiou seme-alabekin.

"Askok ez dute ulertuko, baina semearen gorpua Senegalera eraman nahi genuen, baina ez geneukan bitartekorik. Beraiek Elgoibarren bizita, semearen hilotza Senegalera eraman nahi hori askori ulergaitza egingo zaiela uste du Mamadouk, eta azalpen bat ematera behartuta sentitu da: "Gure kulturan, familia oso garrantzitsua da". Musulmanek adinekoei dieten errespetua aitatu du behin eta berriz. "Senegalen daukagu familia osoa, eta hara eraman beharra geneukan. Han, aiton-amonengandik gertu dagoela jakinda, lasaiago gaude", azaldu du Mamadou Thiarek.

 Berez, Bassoulgoak dira Thiaretarrak (Fatick eskualdea, Senegal), baina Dakarren hilobiratu du semea Mamadouk, hantxe bizi direlako Amyren guraso eta neba-arrebak. "Hilerritik gertu bizi dira, eta umea zainduta egongo da han. Ahal duten aldiro joango dira gurtzera".
Gizartea Elgoibar