Eskien gainean zein eskirik gabe, elurretan primeran moldatzen dela erakutsi du Iñigo Larizek, 2013ko Zuzenien Mendi Lasterketa Bertikaleko irabazleak. Izan ere, elurtutako bidean gora lehiatu ziren proba amaitzea lortu zuten 132 lagunak atzo (martxoak 3). Ezkerretegi baserriaren aurretik irten eta 2.800 metroko bide maldatsua igo ondoren, Izarraitzera, Xoxoteko San Inazioren irudiaren ondoraino igo behar zuten, 804 metroko desnibela gaindituz.
Lagun Onak Mendi Bazkunak antolatutako V. Zuzenien Mendi Lasterketa Bertikalean bigarrena Oier Ariznabarreta (00:31:31) izan zen eta Imanol Goñi (00:31:40) izan zen hirugarrena. Emakumezkoetan, Aitziber Ibarbia zizurkildarra izan zen azkarrena, 00:37:30 minutuko denborarekin.
Larizez gain, Aitor Osoro eta Iñigo Ortuoste elgoibartarrek ere hartu zuten parte Azpeitiako proban. 39 minutu eta 3 segundoan egin zuen igoera lehenak, eta segundo bat gehiago behar izan zuen Ortuostek. 39. postuan eta 41. postuan sailkatu ziren, hurrenez hurren.
Larizez gain, Aitor Osoro eta Iñigo Ortuoste elgoibartarrek ere hartu zuten parte Azpeitiako proban. 39 minutu eta 3 segundoan egin zuen igoera lehenak, eta segundo bat gehiago behar izan zuen Ortuostek. 39. postuan eta 41. postuan sailkatu ziren, hurrenez hurren.
- SAILKAPENA: V. Zuzenien Mendi Lasterketa Bertikalean sailkapen osoa
- ARGAZKIAK: Urola Kostako Hitza egunkariaren webgunean eta Urgazi Triatloi Taldearen webgunean.
|
|
|
|
∞Lotura duten albisteak:
- Asteburu borobila Iñigo Larizentzat (2013-02-19)
- Igoera bertikalen zirkuitua irabazi du Iñigo Larizek (2012-10-08)
- Bertikalen Zirkuituko liderra da Lariz, Txindokin bigarren egin ostean (2012-06-19)
- Bigarren postuan sailkatu da Iñigo Lariz Azpeitiko Zuzenien mendi lasterketa bertikalean (2012-03-05)