Elgoibarko ikasleek 27 zuhaitz landatu dituzte Albitxurin

elgoibarren.net 2013ko mar. 19a, 19:41
Deskargatu Info Ahotsak :

Zuhaitz Eguna ospatu dute gaur Elgoibarko ikasleek. Azken urteetako ohiturari jarraituz, Albitxuriko industriagunera bidean beste 27 zuhaitz gehiago landatu dituzte: 17 haritz eta 10 urki. (bideoa eta argazkiak dauzka)


 Herri Eskolako eta Elgoibar Ikastolako 93 ikaslek parte hartu dute gaur goizean Zuhaitz Egunean. Udal langileen eta irakasleen laguntzarekin 27 zuhaitz landatu dituzte Albitxuri inguruetako mendi magal batean. Aurreko urteetan gereziondoak eta lizarrak ere landatu izan dituzte ingurune berean. Aurten, 17 haritz eta 10 urki gaineratu dituzte poliki-poliki osatzen ari diren euskal basora.

1706637695033 Elgoibarko ikasleek 27 zuhaitz landatu dituzte Albitxurin

Ikasleek ez dute lan erraza eduki, mendi magal aldapatsu bat aukeratu baitute aurten zuhaitzak landatzeko, eta, gainera, azken hilabeteetako euriteen ondorioz, bustia eta biguna zegoen lurra. Edonola ere, moldatu dira. Gainera, laguntzen ibili den lagun batek esan duen moduan, "ezin zaie dena eginda eman. Lauan landatzea errazagoa da, bai, baina esfortzuaren kulturan hezi behar ditugu gazteak". Zuhaitzak landatu ostean, txartel batean euren izenak jarri eta enborretik zintzilik laga dute, nork landatua izan zen oroigarri moduan. LH 6. mailako ikasleak aritu dira lanean, hau da, 11-12 urteko neska-mutikoak.
 Basoen Nazioarteko Eguna ospatuko da martxoaren 21ean. Elikadura eta Nekazaritza Erakundea (FAO) osatzen duten estatuek 1971. urtean ezarri zuten martxoaren 21a Basoen Nazioarteko Egun.

1706637695120 Elgoibarko ikasleek 27 zuhaitz landatu dituzte Albitxurin

1706637695221 Elgoibarko ikasleek 27 zuhaitz landatu dituzte Albitxurin

1706637695340 Elgoibarko ikasleek 27 zuhaitz landatu dituzte Albitxurin

1706637695459 Elgoibarko ikasleek 27 zuhaitz landatu dituzte Albitxurin
 
 
 
 
 
 
Hezkuntza Elgoibar