20:30ak aldera iritsiko da Korrika18 Elgoibarrera

 Korrika 18 joan den martxoaren 14an abiatu zen Andoaindik eta gaur, martxoaren 20an, ailegatuko da Elgoibarrera (20:30ak aldera). Maltzaga aldetik etorriko dira lasterkariak, eta 20:30ak aldera helduko dira gurera. AEk-k 20:00etarako antolatu du ongi-etorria. Sigmako zubian batuko dira elgoibartarrak, eta Mauxitxa txarangak alaituko du giroa. 2.550 kilometro inguru korrika egin ondoren, hilaren 24an bukatukoda korrika Baionan, eta Elgoibarko AEk-k autobusa antolatu du hara joateko. interesatuek 607 601 423ra deituta edo elgoibar@aek.org helbidea erabilita eman dezakete izena.

•Korrika Shangain

Jose Antonio Urbietak Sydney-n (Australia) egin zuen modu berean, Diasporako euskaldunek antolatutako beste korrika sinboliko batean parte hartu du Iban Quintana elgoibartarrak. Lan kontuengatik dago Shangai hirian, Txinako hiririk handienean, eta hango Euskal Etxeak antolatutako euskararen aldeko jaian parte hartu zuen elgoibartarrak.

•Korrika Gaztea
 Korrikaren etorrera girotzeko asmoz, Korrika Gaztean parte hartu dute Meka Albitzuri, IMH, Meka Arreiturre eta Institutuko hainbat ikaslek eta irakaslek. 10:15ean hasi dira Korrika Meka Albitzuritik eta ikastetxe guztiak zeharkatu ostean, Makina Erremintaren museoan eman diote amaiera Korrika Gazteari. (argazki guztiak hemen)

∞Lotura duten albisteak:

• Jose Antonio Urbieta elgoibartarrak eraman du Korrikaren lekukoa Sidney-n (2013-03-18)
• Korrikari harrera beroa egin zioten elgoibartarrek (2011-04-14)
• Korrikaren aldeko lip duba egin dute Herri Eskolan (2011-04-14)
• Korrika Gaztearekin hasi, Korrika Txikiarekin jarraitu eta 17. Korrikarekin amaitu (2011-04-13)
• Apirilaren 13an ailegatuko da Korrika 17 Elgoibarrera (2011-03-18)