178.200 euroko diru-laguntza emango dio Udalak Elgoibarko Izarra kultur elkarteari 2013. urterako

elgoibarren.net 2013ko mar. 22a, 11:48
Deskargatu Info Ahotsak :

Elgoibarko Udalak 178.200 euroko diru-laguntza emango dio Elgoibarko Izarra Kultur Elkarteari 2013rako hainbat proiektu eta egitasmo finantzatzen laguntzeko. Iazko kopuru berbera emango dio Udalak aurten elkarteari, eta horrez gain, 50. urteurreneko ospakizunak finantzatzen laguntzeko 12.000 euro emango dizkio.



1706637677340 178.200 euroko diru-laguntza emango dio Udalak Elgoibarko Izarra kultur elkarteari 201

Elgoibarko Izarrak Udaletik jasoko duen diru-laguntza Udaleko bi sailetatik bideratuko da: Euskara Sailetik 118.200 euro jasoko ditu elkarteak, eta Gazteria Sailetik berriz, 60.000 euro. Elkarteak Udalarekin hitzartutako egitasmoen aurrekontua 459.563,83 eurokoa da, eta Udalak emandako diru-laguntzari esker % 38,78an finantzatuko dira egitasmo horiek.
Elgoibarko Izarrak eskerrak eman dizkio Udalari eskainitako laguntzarengatik, eta aurrerantzean ere, bide beretik segitzeko asmoa erakutsi du. Izan ere, administrazioaren eta herri ekimenaren arteko elkarlana ezinbestekoa dela uste dute elkarteko kideek, euskara eta euskal kultura sustatzeko.
 
∞Lotura duten albisteak:
Euskara Elgoibar