Korrika Munichen

elgoibarren.net 2013ko mar. 25a, 14:27
Deskargatu Info Ahotsak :

Australian, Txinan eta baita Alemanian ere. Diasporako elgoibartarrek bat egin dute euskararen aldeko lasterketarekin. Korrika18 amaierara, Baionara, iristen zen egunean, Munichen (Alemania) bizi diren euskaldunek pare bat kilometro egin zituzten korrika Bavaria estatuko hiriburu ederreko kaleetan. Han bizi diren bi elgoibartarrek ere egin zuten bat Korrikarekin, Eider Perezek eta Amaia Aranzamendik, hain justu ere. (ondoko argazkian ageri dira biak, Aranzamendiren bikotearekin batera)


 Ekitaldia “oso ondo” irten zitzaiela azaldu du Munichetik Eider Perezek, “guk espero genuena baino hobeto, egia esan”, aitortu du. Munichen bizi diren euskaldunek estreinakoz antolatu dute Korrika sinbolikoa, eta hala eta guztiz, harrera oso ona izan duela dio Perezek. “Ehun bat lagun inguruk parte hartu genuen Korrikan, eta kilometro eta erdiko ibilbidea egin genuen Municheko kaleetan barrena, Korrikaren 18. edizioa amaitzen zen egunean”.

1706637675642 Korrika Munichen

1706637675728 Korrika Munichen
 Dantzan eta kantuan amaitu zuten ekitaldia. “Amaieran, Amets Arzallus bertsolariak guretzat espresuki idatzitako bertso sorta bat abestu genuen eta fandango eta arin-arin batzuk dantza egin genituen, giro ederrean”. Munich, besteak beste, garagardoagatik da ezagun munduan, baina euskaldunek sagardoa eta txakolina edanez ospatu zuten Korrika. 
Elgoibartik, martxoaren 20an pasa zen Korrika18, ondorengo bideoan ikus dezakezuen moduan.
 
Euskara Elgoibar