Orioko 3. mendi lasterketa jokatu zen joan den domekan (martxoak 24). Irteeran 350 korrikalari batu ziren, baina 314k lortu zuten 20 kilometroko ibilbidea osatzea. Ionut Alin Zinca errumaniar jatorriko atleta gasteiztarra izan zen guztietan azkarrena. Sestao Alpino taldeko kideak 30 minutu eta 27 segundoan geratu zuen kronometroa. Iaz ere berak irabazi zuen proba. Hassan Ait Chaou billabonatarrak egin zuen bigarren eta Iban Letamendia Oñatiarra sailkatu zen hirugarren postuan.
|
|
•Ia 16 minutuko aldea bigarren emakumezkoari
Emakumeei dagokionez, Maite Maiorak ez zuen areriorik izan. Ordubete, 47 minutu eta 36 segundo behar izan zituen ibilbidea betetzeko, hau da, ia sei minutuan ondu zuen iaz proba berean egin zuen denbora (1:53:15). Gainera, iazko irabazleak, Ana Condek, egin zuen marka (1:58:42) ere ondu zuen Mendaroko korrikalariak. Bigarrenn emakumezkoa, Uxoa Irigoien getariarra, Maiorarengandik ia 16 minutura iritsi zen helmugara. Hirugarren, Rafaella Ciavola gasteiztarra izan zen.
- SAILKAPENA: Orioko III. Mendi Lasterketaren sailkapenak