Gaztetxoek errepidea ezagutzea helburu zuen txirrindularitza proba jokatu zen zapatuan Oñatin, Mondragon Unibertsitatearen inguruan prestatu zuten zirkuituan. Denboraldiko estreinako probak parte hartze handia izan zuen: Alebinetan 42 txirrindulari, infantiletan 31 eta 10 urte baino gutxiagokoen mailan 14.
Gure ordezkariek infantil mailan hartu zuten parte eta emaitza apartak eskuratu zituzten. Imanol Alvarez izan zen helmuga marra zeharkatzen lehena, eta, honenbestez, iaz lortu zuen bigarren postua hobetu zuen txirrindulari elgoibartarrak. Proba berean, Jon Astigarraga, Juan Ocamica eta Jon Escolar elgoibartarrak ere aurreneko postuetan sailkatu ziren: Laugarren, bosgarren, eta seigarren postuetan, hurrenez hurren.
|
|
∞Lotura duten albisteak:
- Imanol Alvarez nagusi euripean jokatu zen Elgoibarko Txirrindulari Sarian (2012-05-03)
- Imanol Alvarezek bigarren postua eskuratu du Oñatiko Txirrindularitza Sarian (2012-04-04)
*Argazkiak: goiena.net eta A. Arriola.