Parte hartze handia espero dute Mendaroko mendi lasterketan

elgoibarren.net 2013ko api. 11a, 15:27
Deskargatu Info Ahotsak :
Español English Français Català Galego

 
Dagoeneko 126 lagunek eman dute izena {iaz, 113 lagunek parte hartu zuten} Mendaroko hirugarren mendi lasterketan parte hartzeko. Domekan, apirilaren 14an, jokatuko da proba, eta egunean bertan ere egongo da izena emateko aukera. Iaz Imanol Goñi iruñearra eta Maite Maiora mendaroarra nagusitu ziren. Errekorra ezarri zuten biek ere, gainera. Goñik (ondoko argazkian) 1:53:48ko denboran bukatu zuen proba eta Maiorak 2:20:41ean.



 24 kilometroko proba (23 kilometro mendiz eta bat asfalto gainean) da Mendaroko mendi lasterketa (ibilbidea hemen eta hemen). 10:00etan abiatuko dira lasterkariak Herriko Enparantzatik, eta 1.350 metroko desnibel positiboa gainditu beharko dute. Etun mendira igoko dira korrikalariak eta handik Madariagara auzora egingo dute. Madariagatik hiru bat kilometro egingo dituzte gero aldatz behera, Munitxibarreraino, Kilimon erreka ondoraino, eta handik berriro ere gorako bidea hartuko dute. Larraskanda baserri ondotik igaro eta Otarre gainera igoko dira, antenaraino, eta handik Erentza baserri ondotik, Gaintxipixa mendi magaletik, Lizarpera igoko dira. Lizarpetik Garalutzera joko dute gero, probako azkeneko gainera, eta handik aurrera aldatz behera egingo dute guztia. Ibilbidea seinaleztatua egongo da, eta bost anoa postu izango dira guztira.

•Izenematea

Zazpi sari banatuko dituzte.

Gaur (apirilak 11) da izena emateko azken eguna. Interesatuek Internetez egin dezakete www.herrikrossa.com helbidean. Dena dela, proba egunean bertan ere badago izena emateko aukera, Mendaroko frontoian. 8:15ean zabalduko dute izena emateko aukera eta 9:30ean itxi. Tarte horretan banatuko dituzte dortsalak ere. Guztira, zazpi sari izango dira. Lehenengo bostek izango dute saria, bai gizonezkoetan zein emakumezkoetan, eta gero beste bi sari berezi izango dira: beteranoena eta lehenengo mendaroarrari dagokiona. Informazio gehiagorako: mte.mendaro@hotmail.com.
 
∞Lotura duten albisteak:
 
 
 
Kirola Elgoibar