Elgoibarko Udalak 26.138 euroko diru-laguntza emango die ikastetxeei

elgoibarren.net 2013ko api. 16a, 14:19
Deskargatu Info Ahotsak :
es en fr

Hainbat proiektu eta egitasmo diruz laguntzeko, Elgoibarko Udalak 26.138 euroko diru-laguntza emango die herriko ikastetxeei 2012/2013 ikasturtean. Jasotzaileak ikastola, herri eskola, institutua eta Meka izango dira, eta diru-laguntzak hiru udal sailetatik bideratuko dira: Ongizate Saila, Euskara Saila eta Gazteria Saila.


1706637645054 Elgoibarko Udalak 26.138 euroko diru-laguntza emango die ikastetxeei

Herriko ikastetxeetako ordezkariek eta Elgoibarko Udalekoek gaur goizean sinatu duten lankidetza hitzarmenaren arabera, 26.138 euroko laguntza jasoko dute ikastetxeek ikasturte honetan. Ongizate Sailak 16.391 euro jarriko ditu, 6.300 euro Euskara Sailak eta 3.447 euro Gazteria Sailak. Diru-laguntza horietaz gain, Udaleko Berdintasun Sailak eta Enplegu Sailak diru partida bat izendatu dute eskoletan sail horien helburuekin bat datozen ekintzak abian jartzeko.

Hauek dira Udalak diruz lagunduko dituen proiektu eta egitasmoak.

•Ongizate Sailetik
Osasunaren Hezkuntza programa gauzatzeko:
  • Elgoibar Ikastolari: 4.745,54  €
  • Herri Eskolari: 2.099,96 €
  • Institutuari: 5.271,07  €
  • Mekari: 4.274,43 €
  • GUZTIRA:  16.391,00 euro
•Euskara Sailetik
Elgoibar Ikastolari: 2.750 €
  • Eskolaz kanpoko egonaldietarako
  • Ahozkotasuna-Bertsogintza egitasmorako
  • Euskara sustatzeko jardueretarako
Herri Eskolari: 2.400 €
  • Eskolaz kanpoko egonaldietarako
  • Ahozkotasuna-Bertsogintza egitasmorako
  • Euskara sustatzeko jardueretarako
Institutuari: 1.150 €
  • Ahozkotasuna-Bertsogintza egitasmorako
  • Euskara sustatzeko jardueretarako
GUZTIRA: 6.300 euro

•Gazteria Sailetik
Gaztematika (Gipuzkoako haurrentzako eta gazteentzako sustapen sistema) garatzen laguntzeko:
  • Elgoibar Ikastolari:1.239   €
  • Herri Eskolari: 735 €
  • Institutuari: 712,50  €
  • Mekari: 760,50 €
GUZTIRA: 3.447 euro
 
Hezkuntza Elgoibar