Gernikako alkate Jose Mari Gorroñok azaldu duenez, "elkar ulertzea" bultzatu dute Egigurenek eta Otegik, "ideologikoki elkarrengandik urrun egon arren". Jesus Egiguren ez da sariaren bila joango, Arnaldo Otegik espetxean jarraitzen duelako eta beraz pertsonalki jaso ezingo duelako. Hala, Arnaldo Otegi eta Jesus Egigurenen senitartekoak jasoko dute saria. Ezker abertzaleko eta PSE-EEko bi politikariak ez ezik, Brasilgo Lurrik Gabekoen Mugimendua ere sarituko dute aurten. Urtero bezala, apirilaren 26an egingo da sari banaketa, Gernikaren bonbardaketaren urteurreneko ekitaldien barruan.
Antolatzaileek jakinarazi dutenez, hautagaien artean izan dira PKK-ko buruzagi Abdullah Ocalan eta Gesto por la Paz elkartea.
2005ean banatu ziren estreinakoz Gernika sariak. Harrezkero, bi sari banatzen dituzte urtero, “euren lanarekin bakea eraikitzen eta adiskidetzea sustatzen lagundu dutenei”. Hona hemen orain arteko sarituen zerrenda:
- 2012: Lokarri eta Alemaniako presidente izandako Roman Herzog.
- 2011: Gernikazarra taldea eta Gerry Adams.
- 2010: Jose Antonio Agirre, Eusko Jaurlaritzako lehen lehendakaria eta Mayors for Peace.
- 2009: Ahaztuak (1936-1977) elkartea eta Petra Keely fundazioa.
- 2008: Candido Saseta Euzko Gudarosteko buruzagia eta Dekha Ibrhim Abdi.
- 2007: Adolfo Perez Esquivel eta Gernikako Bonbardaketari bizirain zioten lagunak.
- 2006: 1000 mujeres por la paz eta Elkarri.
- 2005 Juan Gutierrez eta Michael Kaspe.
Informazio osoagoa: arnaldotegi.com; gernika-lumo.net; gernikagogoratuz.org;