Emakumeen Udal Kontseiluak ondoko helburuak izango ditu:
- Emakumeen eta gizonen arteko benetako berdintasuna lortzeko bideratzen diren herri politikei buruzko erabakiak hartzeko orduan aholkua ematea eta eragitea, organo hau ez baita loteslea izango.
- Emakumeen mugimenduari zor zaion gizartearen aitorpena bultzatzea.
- Esparru guztietan benetako parte-hartzea bultzatzea eta emakumeen eskubideak defendatzea.
- Udal zerbitzuek eta politikek gizonen eta emakumeen arteko berdintasuna bermatzen dutela gainbegiratzea.
•Bi lan nagusi
Hasteko, bi lan nagusi izango dituztela azaldu dute Kontseiluko kideek. Batetik, indarrean dagoen Berdintasun Planaren ebaluazioa egingo dute eta, era berean, hurrengo planaren diseinuan laguntza eskainiko diote Udalari. Eta, bestetik, protokolo bat sortu nahi dute, emakumeen aurkako indarkeria kasuetan erantzuna gizarteratzeko.