Jasone Osororen Ezekiel liburuak Juul hauteskunde literarioetako lehen saria jaso du DBHko ikasleen artean. Ezekielek laugarren aldiz jarraian irabazi ditu Juul hausteskundeak maila horretan. Kategoria berean, hau da, 12 eta 16 urteko ikasleen artean, hirugarren liburu gustukoena izan da Jon Eugiren Piraten uhartea liburua. Era berean, Jasone Osororen beste liburu bat, Tentazioak, estreinakoz sartu da aurten emaitzetan. Izan ere, batxilergoko ikasleen artean hirugarren aukeratua izan da.
Ikastolen Elkarteak 15. urtez jarraian antolatu ditu Juul literatur hauteskundeak. Joan den apirilaren 18an egin zituzten hauteskundeok eta 14.915 boto eman zituzten Euskal Herriko Ikastoletako ikasleek.
- Hona hemen Juul hauteskundeetako emaitzak (PDF)
Era berean, Elgoibar Ikastolako ikasleek ere hartu zuten parte Juul kanpainan. Hala, irakurzaletasuna lantzeaz gain, hauteskunde-prozesuari buruzko ezagutzak jaso eta praktikan jarri zituzten. Ikus hemen Elgoibar Ikastolan jaso zituzten emaitzak (PDF)