‘Lurra astinduz’ antzezlanerako sarrerak Pitxintxun eros daitezke

elgoibarren.net 2013ko api. 25a, 12:55
Deskargatu Info Ahotsak :
es en fr

Emakumea eta memoria historikoa izeneko egitasmoaren barruan, Lurra astinduz antzezlana eskainiko du barixakuan (apirilak 26) Durangoko Karrika antzerki taldeak, Herriko antzokian (20:30). Jose Martin Urrutia Txotxe elgoibartarrak idatzi eta zuzendu du obra, eta 1936ko altxamenduaren ondorengo egunak kontatzen dituzte. 20:30ean hasiko da ikuskizuna, eta sarrerak bost euro balio ditu. Pitxintxu dendan eros daiteke aurrez.


1706637637114 ‘Lurra astinduz’ antzezlanerako sarrerak Pitxintxun eros daitezke

Karrika antzerki taldeko kideek azaldu dutenez, “urte haietako sentimendu eta bizipenei argia eta hitza” eman gura izan diete, amodiozko istorio baten bitartez. Jose Martin Urrutia Txotxek sortu zuen, duela hamabost urte, Karrika antzerki talde amateurra, eta berak idatzi eta zuzendu du Lurra astinduz obra.

 
 
 
 
Kultura Elgoibar