Arnaldo Otegi Logroñoko kartzelan preso dagoela eta, bere alaba Garazi Otegik eta Jesus Egigurenen alabak, Maria Egigurenek, gurasoen izenean jaso dituzte Bakearen eta Adiskidetzearen IX. Sariak. Egiguren bertan bazen ere, uko egin dio saria jasotzera igotzeari, protagonismo osoa ez erakartzeko. Bakearen eta Berradiskidetzearen alde egindako lana aitortzea dute helburu urtero banatzen dituzten sari horiek. Hain zuzen, Euskal Herrian bakea lortzearen alde egindako lana aitortu nahi diete ezker abertzaleko Arnaldo Otegiri eta PSEko kide Jesus Egigureni. “Helburu zehatz bat lortzeko asmoz, elkar ulertzeko gai izan dira biak, ideologikoki desberdin pentsatu arren”, Gernika-Lumoko alkate Jose Mari Gorroñoren hitzetan.
Ondoren, Jesus Egigurenen hitzak irakurri ditu: eskerrak eman dizkie Arnaldo Otegiri, Frantxua Maitia EEPko presidenteari, "bakearen ministro" Alfredo Perez Rubalcabari, Jose Luis Rodriguez Zapatero Espainiako Gobernuko presidente ohiari eta Eusko Jaurlaritzako lehendakari ohi Patxi Lopezi.
- arnaldotegi.com web gunean jarri dituzte Arnaldo Otegik, Adolfo Perez Esquivel eta Gerry Adamsek bidali dituzten eskutitzak
Sari banaketa ekitaldiko bideoa: (eitb.com)
•Bonbardaketa gogoan
Gernikak-Lumoko herritarrek 1937. urteko apirilaren 26an Condor legioak egindako bonbardaketaren biktimak omentzen dihardute gaur, 76 urte beranduago, “bizitzaren aldeko eta gerraren eta indarkeriaren aurkako oihua" izango diren hainbat ekitalditan. Horietako bat izan da Bakearen eta Adiskidetzearen IX. Sariak banatzea.
*Iturria: berria.info