VI. Gipuzkoako Foru Aldundiko Karting Kopako partaideek 200 zentimetro kubikoko kartekin korritu zuten Olaberriako zirkuituan. Joan zen apirilaren 21ean entrenamendu libre eta kronometratuak egin zituzten, 15 minutuko saioak burutuz, eta, azkenik kalifikaziorako baliagarriak ziren 12 buelta eman zizkioten zirkuituari. Horietan Julia Arregik lortu zuen itzulirik azkarrena egitea, eta, honenbestez, irteera parrillako aurreneko postua bereganatu zuen.
Aurten lortutako garaipenaz gainera, 2010ean eta iaz ere irabazi zuen proba hau Julia Arregik. Alabaina, aurtengoa garaipen "oso garrantzitsua" izan dela nabarmendu dute bai Juliak eta baita bere hurbilekoek ere, "aurrera jarraitzeko kemena ematen duten garaipen horietakoa" dela azaldu dute, "diru arazoak direla-eta" karting txapelketa gutxitan izan baitu parte hartzeko aukera.