EHBilduk “hondakinen kudeaketa egokian” pausuak emateko proposamena egin dio EAJri

elgoibarren.net 2013ko mai. 3a, 13:42
Deskargatu Info Ahotsak :
es en fr

Ingurugiroarekin errespetuz jokatu eta hondakinen gaiari “aterabide egokia” emateko egiteko asko dagoela oraindik azaldu dute EHBildu Elgoibar koalizioko arduradunek. Alabaina, orain arteko esperientziek erakutsitako bidea jarraituz, badakitela nondik jo adierazi dute prentsaurrekoan (goiko bideoan). Gainera, EAJren zinegotzi taldeari hondakinen kudeaketa hobetzeko prestatu duten proposamenaren berri eman diotela jakinarazi dute, eta, horrekin batera, “elkarrekin lan egiteko nahia” adierazi diote EAJri.


EHBildu Elgoibar koalizioak aurkeztutako proposamenak hiru puntu garrantzitsu ditu:
  1. Hondakinen gaikako bilketa sistemari helburu zehatzak ezartzea, beharrezkoak diren bitartekoak jarriz, emaitzen jarraipen zuzena eginez eta hala badagokio neurri zuzentzaileak aplikatuz.
  2. Altzolan horrelako esperientzia pilotu bat bultzatzea bertan sortzen den hondakin organiko guztia konpostaren bitartez kudeatzeko, beti ere, noski, altzolatarrekin adostuta.
  3. Guzti hau adosteko, praktikan jartzeko eta jarraipena emateko Hondakinen mahaia eratzea.

 

 

 

 

 

Gizartea Elgoibar