Uztargi tabernak irabazi du Mendaroko bigarren pintxo lehiaketa

 Mendaroko II. Pintxo Lehiaketa egin zuten apirilaren 27an eta 28an, eta, epaimahaia bildu eta boto guztiak zenbatu ostean, Mendaroko Udalak irabazleen izenak ezagutarazi zituen joan den eguenean.

Uztargi tabernak aurkeztutako pintxoak jaso du epaimahaiaren lehen saria, "zapore, testura eta originaltasunean" puntuazio altuena lortu eta gero. Epaimahaikideek 99 punturekin saritu zuten. Bigarren geratu zen pintxoak, Menditxo tabernak prestatu eta aurkeztutakoak, 93,5 puntuko nota jaso zuen eta puntu erdi gutxiago hirugarren saria eskuratu zuen Txirristaka tabernako pintxoak. Iaz, pintxo lehiaketaren estreinako edizioan, lehen saria lortu zuen Txirristaka tabernak.

 Herritarren Sarian estua izan da lehia. Parte hartu duten hamar tabernek nota oso onak jaso dituzte, 6,7koa izan delarik batez besteko nota baxuena. Puntuaziorik altuena Menditxo tabernak aurkeztutako pintxoak jaso du, 8,50 notarekin. Lagun Betikoak taberna (8,46) eta Txirristaka (8,00) sailkatu dira, hurrenez hurren, bigarren eta hirugarren postuetan.

 Mendaroko Udala “oso pozik” dago pintxo lehiaketaren bigarren ekinaldiak izan duen parte hartzearekin. “Eguraldi onegia egin ez zuen arren, herritarrak pozik ibili ziren pintxoak jaten eta baita tabernariak ere, euren tabernak beteta ikusi zituzten-eta”, azaldu du Sonia Garcia Mendaroko alkateak. Mendaroko taberna guztiek parte hartu izana ere nabarmendu du.

•ARGAZKIAK:

 

∞Lotura duten albisteak:

• Herriko taberna guztiek parte hartuko dute Mendaroko II. Pintxo Lehiaketan (2013-04-25)
• Pintxo solidarioa antolatu dute (2013-02-22)
• Aho-gozagarri txikiak (2012-11-23)
• Erotismoak hartuko du Elgoibar azaroaren 22tik 24ra artean (2012-11-19)
• King-Kong tabernak aurkeztutako 'Udaberriko Bakailaoak' irabazi du pintxo lehiaketa (2012-06-28)
• Hogeita bat tabernak hartuko dute parte laugarren pintxo lehiaketan (2012-06-14)
• Txirristaka tabernak irabazi du Mendaroko pintxo lehiaketa (2012-05-30)
• Pintxo lehiaketak Elgoibarren eta Mendaron (2012-05-23)
• Gabi jatetxeko Mozzarella Meteoritoa nagusi hirugarren pintxo lehiaketan (2011-07-06)
• Pintxoak jatera, eta bozkatzera (2011-06-30)
• Hamabost tabernarik parte hartuko dute hirugarren pintxo lehiaketan (2011-06-22)
• Txarridunak irabazi du bigarren urtez Pintxo lehiaketako sari nagusia (2010-07-02)
• Pintxo irabazleak berriz dastatzeko aukera izango da barixaku honetan (2010-06-30)
• Hamabi tabernak parte hartuko dute pintxo lehiaketan (2010-06-17)
• Tabernen arteko II. Pintxo Lehiaketa ekainaren 24an eta 25ean izango da (2010-05-13)
• Arrakastak irentsi du estreinako Pintxo Lehiaketa (2009-07-01)
• Pintxo onenak 'Paulaner Txarriduna' eta 'Gabi' jatetxeek egin dituzte (2009-07-01)
• Pintxoak euro baten truke Gurean Bai I. Pintxo Lehiaketan (2009-06-19)