Mendizaletasunaren bueltan ume zein nagusiek bat egiten duten eguna izatea lortu du Morkaikoren Egunak. 2011n erabaki zuten Morkaikoko arduradunek Elgoibarko Mendi Itzuliarekin batera umeentzako irteeraren bat antolatzea eta, Finalista Eguna ere sartu zuten egitarauaren barruan. Aurreko urteetan 500 bat lagunek hartu izan dute parte Morkaikoren Egunean, eta euririk egiten ez badu, zapaturako ere partaidetza handia espero dute antolatzaileek. Elgoibarko Itzulirako, esaterako, 200 lagunetik gora daude izena emanda dagoeneko. Oraindik izena eman ez dutenek zapatuan bertan ere izango dute aukera, Kalegoen plazan bertan. 18 urtera artekoek 10 euro ordaindu beharko dituzte (bazkideek, 7 euro) eta 18 urtetik gorakoek 17 euro (bazkideek, 13 euro).
Finalista Eguneko dominen banaketa 13:30ean hasiko da Kalegoen plazan, eta, ondoren, Pako Iriondori omenaldia egingo diote. 1943an Morkaiko Mendizale Elkartearen sortzaileetako bat izan zen Pako Iriondo. 1953tik 1959ra arte bera izan zen elkarteko presidentea.
- Informazio osoagoa: www.morkaiko.net
•Morkaikoren Eguneko argazkiak eta bideoak
•Mendi Itzuliko argazkiak eta bideoak