Aurreikusita zegoen gidoia jarraituz, Elgoibarko kanporaketako irabazleak, beste bost igoera kanporaketetako irabazleen aurka jokatu behar zuen orain, beste igoera fase batean. Kanporaketa horiek, baina, bertan behera laga ditu Espainiako Eskubaloi Federazioak. Joan zen ostegunean eman zuen federazioak hartutako erabakiaren berri. Zilarrezko Ohorezko Mailak hurrengo denboraldian izango duen lehiaketa egitura airean dagoela-eta erabaki dute kanporaketa gehiago ez antolatzea. Gainera, egungo egoera ekonomikoa kontutan izan dutela azaldu du Federazioak. (irakurri hemen osorik federazioak argitaratutako oharra).
Hortaz, asteburuan jokatu diren sei kanporaketa faseetan parte hartu duten 24 taldeek lortutako emaitzekin sailkapen bat egingo dute, eta, Espainiako Eskubaloi Federazioak aurki ospatuko duen Batzar Orokorrera arte itxaron beharko da gauzak argitzeko, bertan erabakiko dute-eta zenbat talde eta zenbat multzotan banatuta arituko diren datorren denboraldian Zilarrezko Ohorezko Mailan. Baliteke igoera faseetako irabazleak bakarrik sailkatzea edo baita talde gehiago ere agian, beste aukera batzuek zabalik daude-eta.
ARGAZKIAK:
ARGAZKIAK:
•Elgoibarko kanporaketako sailkapena:
1. postua: TECNIFUELLE ELGOIBAR
2. postua: BM VALLADOLID
3. postua: BM VALSEQUILLO CANARIAS
4. postua: UC DOSA BM CANTABRIA
- Txapelketako atezain onena: María del Val (BM VALLADOLID )
- Txapelketako goleatzaile nagusia: Mirian de la Calle (BM VALLADOLID)
Elgoibarko igoera kanporaketako partiduen emaitzak eta informazio osoagoa sanlo.net web gunean.
∞Lotura duten albisteak:
- Tecnifuellek etxean jokatuko du Zilarrezko Mailara igotzeko kanporaketa fasea, bigarrengoz jarraian (2013-05-03)
- Tecnifuelle Euskadiko txapeldun, bigarren urtez jarraian (2013-04-22)
- Tecnifuellek Euskadiko txapela defendatuko du etxean (2013-04-16)
- Laukok ezin izan du Euskadiko Txapelketako azken fasea eskuratu (2013-04-08)
- 300 jokalari eta 17 talde, urtetik urtera handituz doa Sanloren familia (2012-10-01)
- Sei kopa gehiago Sanloren garaikurren bilduman (2012-05-28)
- Granollers talde kataluniarra txapeldun (2012-04-29)
- Tecnifuelle Elgoibar Sanlo, Euskadiko txapeldun (2012-03-13)