Elgoibarko Emakumeen Asanbladak antolatutako hitzaldian, Euskalgintza eta feminismoa izango ditu hizpide Iratxe Retolazak, “feminismoak zehar-lerro behar du izan, euskalgintzak bezal". Hortaz, gai horiek edo bietako batean interesa duten guztiak gonbidatu nahi dituzte antolatzaileek. Elgoibarko Kultur Etxeko sotoan izango da hitzaldia, 19:00etan hasita.
Iratxe Retolaza (Donostia, 1977) Euskal filologian lizentziatua da. EHUn eta USCn Doktorego ikasketak egiten dihardu Literaturaren alorrean. Gaur egun EHUko Euskal Filologia Sailean lanean dihardu literatura-eskolak emanez. Honako egunkari eta aldizkarietako kolaboratzaile izan da, batik bat euskal literatura garaikidearen inguruko iruzkinak eginez: Berria, Idatz & mintz, Grial, A trabe de ouro, Hegats, Jakin… (iturria: idazleak.org)