Hondakinen kudeaketa hobetzeko EHBildu Elgoibarrek joan zen astean prentsaurrekoan aurkeztu zuen proposamena “ekarri txikikoa” izan da Elgoibarko Udal Gobernuko ordezkarien ustez. "On beharrez egindako lankidetza aitortza izan zen, ...eta kitto!. Ez zuen ezer esaten", adierazi du Alfredo Etxeberriak. Eta honela azaldu du Udal Gobernuaren iritzia: "Ez dugu asmo onak saldu nahi dizkigun inoren beharrik. 2011ko urritik indarrean dagoen zaborren kudeaketa plana daukagu, eta Bilduk plan horretara batu beharko luke".
Alkateak ohartarazi du ez dela batera eta bestera zabuka ibiltzeko unea. Aitzitik, Europak ezarritako helburuak (2016rako hondakinen %60 birziklatzea eta 2020rako %75) betetzeko euskal erakundeek "estrategikoki planifikatuta" dituzten egitasmoak betetzeko asmoa berretsi du, beste behin ere.
Era berean, legegintzaldiko lehen bi urteetan Bilduk erakutsitako jarrera gaitzetsi du. Bere iritziz, Batzar Nagusiek aho batez onartu zuten hondakinen kudeaketa sistemari oztopoak jarri besterik ez dio egin Bilduk. "Eta, orain, legegintzaldiaren erdian gaudenean, eta Legazpin hondakinen inguruko galdeketa egin berri dutenean, hondakinen gaikako bilketa sistemaren emaitzak hobetuko duen egitasmoa proposatzen dutela diote. Gai honetan ezin dugu ahaztu mankomunitate baten parte garela eskualdea osatzen dugun herriak, eta horiekin partekatu behar ditugu ahaleginak eta emaitzak. Bi urteren ostean, edukiontzi marroia martxan dago Elgoibarren, Eibarren, Ermuan, Soraluzen... eta, aldiz, atez atekoa oraindik ez da ezarri herri bakar batean ere". Gaizki egindakoak onartu eta gehiengoak adostutako akordioekin bat egitera deitu ditu Etxeberriak Bildukoak, eta elkarlanean aritzeko prest dagoela jakinarazi die: "Pozik arituko ginateke elkarlanean" adierazi du. Era berean, Europak ezarritako helburuak lortzeko modukoak direla uste du, ez du zalantzarik horretan. Horretarako, baina, bakoitzak dagozkion ardurak bete beharko dituela dio. “Herritarrei hondakinak etxean gaika kudeatzea baino ezin diegu eskatu. Ezin diegu esan hondakinak opari paperean biltzeko, eta, gainera, poltsa horrek usainik eduki ez dezala eskatu. Eta, Bilduk orain arte jakinarazi digunaren arabera, Elgoibarren aginduko balute atez atekoa jarriko lukete. Hori horrela balitz, zer egiteko asmoa dute berriz erabiliko ez diren hondakin kopuru handi horrekin?. Kontuan izan behar da zabortegiak debekatu dituela Europak".
Era berean, legegintzaldiko lehen bi urteetan Bilduk erakutsitako jarrera gaitzetsi du. Bere iritziz, Batzar Nagusiek aho batez onartu zuten hondakinen kudeaketa sistemari oztopoak jarri besterik ez dio egin Bilduk. "Eta, orain, legegintzaldiaren erdian gaudenean, eta Legazpin hondakinen inguruko galdeketa egin berri dutenean, hondakinen gaikako bilketa sistemaren emaitzak hobetuko duen egitasmoa proposatzen dutela diote. Gai honetan ezin dugu ahaztu mankomunitate baten parte garela eskualdea osatzen dugun herriak, eta horiekin partekatu behar ditugu ahaleginak eta emaitzak. Bi urteren ostean, edukiontzi marroia martxan dago Elgoibarren, Eibarren, Ermuan, Soraluzen... eta, aldiz, atez atekoa oraindik ez da ezarri herri bakar batean ere". Gaizki egindakoak onartu eta gehiengoak adostutako akordioekin bat egitera deitu ditu Etxeberriak Bildukoak, eta elkarlanean aritzeko prest dagoela jakinarazi die: "Pozik arituko ginateke elkarlanean" adierazi du. Era berean, Europak ezarritako helburuak lortzeko modukoak direla uste du, ez du zalantzarik horretan. Horretarako, baina, bakoitzak dagozkion ardurak bete beharko dituela dio. “Herritarrei hondakinak etxean gaika kudeatzea baino ezin diegu eskatu. Ezin diegu esan hondakinak opari paperean biltzeko, eta, gainera, poltsa horrek usainik eduki ez dezala eskatu. Eta, Bilduk orain arte jakinarazi digunaren arabera, Elgoibarren aginduko balute atez atekoa jarriko lukete. Hori horrela balitz, zer egiteko asmoa dute berriz erabiliko ez diren hondakin kopuru handi horrekin?. Kontuan izan behar da zabortegiak debekatu dituela Europak".
•“Ez dugu auzo bakar bat ere edukiontzi marroirik gabe lagako”
Elgoibarri dagokionez, abiapuntuan denak ados daudela esan du Etxeberriak, "badirudi denok ados gaudela kontu batean: Hondakinen gaikako bilketaren emaitzak hobetu behar dira. Bide onetik goaz eta denon artean hobetuko ditugu bilketa tasak”. Ildo beretik hondakinen gaikako bilketa kudeatzea Udalaren zeregina dela azaldu du. Helburuak betearaztea, baina, Gipuzkoako Hondakinen Kudeaketa erakundearen ardura dela zehaztu du. “Edukiontzi marroian jasotzen diren hondakinen kudeaketa ere GHKren ardurapean dago. Hortaz, auzoetan konpostagailuak jartzea, Bilduk Altzolarako proposatzen duen moduan, alferrikako konplikazioa bat gehiago da. Inork uste badu Brigadako langileak konpostajean jarriko ditugula, jai dauka. Gainera, ez dugu auzo bakar bat ere edukiontzi marroirik gabe lagako. Eta konpostajea egin nahi duenak, baldintzak betetzen baditu, Udalean eska dezake behar den material guztia".
•Elgoibarko familien erdiak eman du izena edukiontzi marroiak erabiltzeko kanpainan
Gaur egun, Elgoibarko familien erdiak bat egin du, edukiontzi marroiaren bitartez, hondakin organikoen gaikako bilketarekin. Elgoibarko Udalak eman dituen datuen arabera, herritarrak hondakin organikoak bosgarren edukiontziaren bidez biltzera animatzeko kanpainari hasiera eman zitzaionetik, herriko 4.389 familia gonbidatu dituzte bilketa mota honetan parte hartzera, eta horien artetik, 2.209 dira izena eman dutenak.
•Kaleka eta auzokako datuak
- Edukiontzi marroian izena eman duten herritarrak, kaleka eta auzoka (2013ko maiatzaren 5ean)
∞Lotura duten albisteak:
- EHBilduk “hondakinen kudeaketa egokian” pausuak emateko proposamena egin dio EAJri (2013-05-03)
- Edukiontzi marroiak irekitzeko txartel pertsonalizatuak banatuko ditu Udalak urtea amaitzerako (2013-04-26)
- Urtebetean %20tik 30era igo da Elgoibarren gaika sailkatutako hondakin kopurua (2013-01-16)
- Zaborren inguruko ondorioak (Okil Beltzak, 2012-09-20)
- Herriko auzo guztietara ailegatuko da 5. edukiontzia aste honetan (2012-09-14)
- Santa Ana eta Santa Klara kaleetara maiatzean ailegatuko da edukiontzi marroia (2012-04-24)
- Debabarrena Gipuzkoan gutxien birziklatzen duen eskualdea dela salatu du Bilduk (2012-04-23)
- Biohondakinen gaikako bilketan izena emateko aukera zabalik oraindik (2012-02-14)
- Aurki iritsiko da Elgoibarrera edukiontzi marroia, biohondakinak jasotzekoa (2012-01-13)