'Europa, txuri-urdinez' saio berezia aurkeztuko du Zuhaitz Gurrutxagak, ETB-1ean

elgoibarren.net 2013ko mai. 29a, 19:32
Deskargatu Info Ahotsak :
es en fr

Une gozoak bizi ditu Realak. Europarako txartela lortu eta gero, Txapeldunen Liga jokatzeko sailkapena lortu dezake orain Ligako azken jardunaldian. Denboraldiko unerik garrantzitsuenean, Realeko hainbat jokalarirekin egon da Zuhaitz Gurrutxaga eta euren eguneroko bizimodua erakutsiko du ETB-1ean emango duten Realari buruzko saio berezian. Markel Bergara jokalari elgoibartarrarekin ere egon da. Aurrerapen bideoan ikus daitekeenez, erronka ere bota dio Gurrutxagak Bergarari: Imanol Agirretxerri aurkako pilota apustua. (bideoa dauka)


 Gaur (maiatzak 29), 22:15ean, emango dute 'Europa, txuri-urdinez' izeneko saioa, ETB-1en. Zuhaitz Gurrutxaga polifazetikoak aurkeztuko du Realeko jokalariak protagonista dituen saioa. Hala eta guztiz, gero ere egongo da ikusteko aukera eitb.com atariko, Nahieran zerbitzuari esker.
Saioaren aurrerapen bideoa:
∞Lotura duten albisteak:
Gizartea Elgoibar