Bitoriano Loiola ‘Ospas’ eta Sabin Longarte omendu zituzten Mendaron

elgoibarren.net 2013ko mai. 31a, 15:09
Deskargatu Info Ahotsak :
es en fr

Trinitate jaiak baliatu zituzten Mendaron Bitoriano Loiola Ospas soinu-jotzailea eta Sabin Longarte panderojolea omentzeko. Mendaroko Trinitateetako jai batzordeak antolatu zuen omenaldian hainbat musikari eta trikitilarik hartu zuten parte: Tapia eta Leturiak, Xabier Etxaniz Aizpurutxo eta Idurre Arriolak, Iñaki Elorza Kortaberrik, eta Juan Arriola Artañola eta Maddi bere alabak. Aizpe elkartean batu ziren guztiak bazkaritarako eta, han, Ospasen eta Sabinen omenez osatutako goiko bideoa ikusi zuten. (bideoa eta argazkiak dauzka)


Omenduak eta omentzera etorritakoak elkarrekin.

Trinidade elizan ospatu zen meza nagusian hasi ziren Bitoriano Loiola Ospas eta Sabin Longarte omentzeko ekitaldiak, joan zen domekan. Elizako abesbatzak eta Ameikutz musika eskolako ikasleek abestu zuten elizan, eta Ospasen biloba Janire Elordik eta Maialen Olazabalek aurreskua dantzatu zuten omenduen ohoretan. Meza ostean, eliz atarian jarraitu zuen omenaldiak, trikiti doinuekin girotuta. Ondoren, soinu joleen bazkaria egin zuten Aizpe elkartean, eta baita afaria ere.
 
 ELKARRIZKETA: Bitoriano Loiola: “10 urte egin aurretik buruz hartutako piezak ere badauzkat nik” (2010-03-04)

•BIDEOA: Bitoriano Loiola soinua jotzen. 2008ko Nazioarteko Trikitixa jaialdian, Kursaalean, jo zituen bi pieza, “10 urte egin aurretik buruz hartutakoak” jo zituen Ospasek BARRENentzak orain hiru urte. Gerra hasi zen urtean, 9 urterekin, ikasitako pasodoble bat da lehena, eta Gelatxo zaharrari entzunda ikasitako Bèsame izeneko txotisa bigarrena.

 

 

 

 

 

 
 
 
 
Kultura Elgoibar