Liga txapelketa irabazi zuten lehenik. Elgoibarren jokatu zen Zilarrezko Ohorezko Mailara igotzeko kanporaketan nagusitu ziren gero, eta horrekin, emakumezkoen eskubaloiko dibisiorik gorenetik urrats batera dagoen mailan aritzeko eskubidea. Orain, berriz, denboraldiko azken txapelketa irabazi du Tecnifuellek: Gipuzkoako Kopa.
Okerreko hankarekin hasi zuen Sanloko senior nesken eskubaloi taldeak Kopa txapelketa, lehen partida galdu egin zuten-eta Egia Bera Bera taldearen aurka. Alabaina, gora behera askoko txapelketa izan da, eta hiru taldek berdinduta amaitu dute lehen postuan: Tecnifuellek, Egia Bera Berak eta Zarautzek. Hiru taldeen artean, baina, Elgoibarkoak zituen zenbakirik onenak, sartutako eta jasotako golen aldeari eta elkarren aurkako partiduetako emaitzei erreparatuta. Gauzak Horrela, joan den zapatuan Olaizaga kiroldegian Aloña Mendi taldearen aurka jokatutako partidako emaitza erabakigarria izan da, Elgoibartarrek 29-15 hartu zituzten-eta mendean oñatiarrak. Honenbestez, iaz lortutako tituluari eutsi diote Igor Lizarraldek entrenatutako jokalariek.
•Hiru jokalari Euskadiko selekzioarekin
Tecnifuellek aurten erakutsi duen mailaren erakusgarri da, orain gutxi taldeko hiru jokalari hautatu zituztela Euskadiko selekzioarekin jokatzeko. Oihane Gomez, Ainara Lopez eta Cyndi Birberg jokalariek Lau Nazioen Txapelketa jokatu zuten Carballon (Galizia), Imanol Alvarez hautatzaile ermuarraren aginduetara. (Informazio osoagoa: sanlo.net)
Tecnifuellek aurten erakutsi duen mailaren erakusgarri da, orain gutxi taldeko hiru jokalari hautatu zituztela Euskadiko selekzioarekin jokatzeko. Oihane Gomez, Ainara Lopez eta Cyndi Birberg jokalariek Lau Nazioen Txapelketa jokatu zuten Carballon (Galizia), Imanol Alvarez hautatzaile ermuarraren aginduetara. (Informazio osoagoa: sanlo.net)
∞Lotura duten albisteak:
- Tecnifuellek etxean jokatuko du Zilarrezko Mailara igotzeko kanporaketa fasea, bigarrengoz jarraian (2013-05-03)
- Tecnifuelle Euskadiko txapeldun, bigarren urtez jarraian (2013-04-22)
- Tecnifuellek Euskadiko txapela defendatuko du etxean (2013-04-16)
- Laukok ezin izan du Euskadiko Txapelketako azken fasea eskuratu (2013-04-08)
- 300 jokalari eta 17 talde, urtetik urtera handituz doa Sanloren familia (2012-10-01)
- Sei kopa gehiago Sanloren garaikurren bilduman (2012-05-28)
- Granollers talde kataluniarra txapeldun (2012-04-29)
- Tecnifuelle Elgoibar Sanlo, Euskadiko txapeldun (2012-03-13)