Elgoibar Xake Taldeak herritarrei xakea hurbiltzeko helburuarekin antolatu zuen I. Mekatar-Iriondo Xake Txapelketa. Horregatik jokatzen dituzte partidak Iriondo tabernan. “Ohiko txapelketetan baino giro lasaiagoa dute hemen xakelariek eta herritarrenganako gertutasuna ere handiagoa da”, azaldu du Mikel Leonek, Elgoibar Xake Taldeko presidenteak.
•Lau xakelaririk erregularrenak
Hiru hilabeteko lehiaren ostean, lau xakelari erregularrenak sailkatu dira finalerdiak jokatzeko. Batetik, Jose Luis Larrañagak eta Oscar Diez Txirolek jokatuko dute lehen finalerdia eta, bestetik, Juan Manuel Navarrok Mikel Leonen aurka jokatuko du. Finalerdiak eguenean jokatuko dira, 19:30etik aurrera, Iriondo tabernan.
Lehian jarraitzen duten lau xakelariek maila handia erakutsi dute orain arte, baina Jose Luis Larrañaga eta Mikel Leon nabarmendu dira lauretan, partidarik galdu gabe iritsi dira-eta txapelketaren azken txanpara. Biek ere hamar partida irabazi eta bakarra berdindu dute. Juan Manuel Navarrok ere antzerako emaitzak lortu ditu, hamar partida irabazi eta bakarra galdu baitu. Oscar Diez, berriz, zortzi partida irabazi, bat berdindu eta hiru galduta sailkatu da finalerdietara. Xakean federatu gabe daudenen artean emaitzarik onenak lortu ditu Txirolek. Izan ere, txapelketa hau irekia da, eta federatutako zein federatu gabeko xakelariek hartu dezakete parte.
Hiru hilabeteko lehiaren ostean, lau xakelari erregularrenak sailkatu dira finalerdiak jokatzeko. Batetik, Jose Luis Larrañagak eta Oscar Diez Txirolek jokatuko dute lehen finalerdia eta, bestetik, Juan Manuel Navarrok Mikel Leonen aurka jokatuko du. Finalerdiak eguenean jokatuko dira, 19:30etik aurrera, Iriondo tabernan.
Lehian jarraitzen duten lau xakelariek maila handia erakutsi dute orain arte, baina Jose Luis Larrañaga eta Mikel Leon nabarmendu dira lauretan, partidarik galdu gabe iritsi dira-eta txapelketaren azken txanpara. Biek ere hamar partida irabazi eta bakarra berdindu dute. Juan Manuel Navarrok ere antzerako emaitzak lortu ditu, hamar partida irabazi eta bakarra galdu baitu. Oscar Diez, berriz, zortzi partida irabazi, bat berdindu eta hiru galduta sailkatu da finalerdietara. Xakean federatu gabe daudenen artean emaitzarik onenak lortu ditu Txirolek. Izan ere, txapelketa hau irekia da, eta federatutako zein federatu gabeko xakelariek hartu dezakete parte.
|
|
•Finalak domekan
Domekan, ekainaren 16an, jokatuko da final handia. Lehenik, umeen finala jokatuko dute Urko Iriondok eta Markel Kerexetak. 17:30ean hasiko da. Ondoren, 18:00etan, nagusien mailako hirugarren eta laugarren postuak erabakitzeko partida jokatuko da. Finala, 18:15ean hasiko da.
∞Lotura duten albisteak: