Deitzaileek azaldutakoaren arabera, bi helburu zituen Baionako agerraldiak: batetik, euskal iheslari politikoen kolektiboaren estreinako ordezkaritza aurkeztu, eta, bigarrenik, sostengua adierazi hainbat eragilek zapatu honetarako Miarritzeko Irati aretoan antolatu duten Elkartasun Hatsa izeneko ekitaldiari. Gainera, konponbiderako osatu duten bide orria mahai gainean jarriko dutela iragarri zuten. (Irakurri komunikatua PDFan)
"Urteetan zehar, gauza asko pasatu dira. Baina orain, bake prosezu batean gaude eta denon bultzada behar du, batez ere Euskal Herriak merezi duelako", adierazi du Josu Larizek Uruguaitik. Era berean, "elgoibartar guztiak" gonbidatu ditu ekainaren 15ean Miarritzen egingo duten ekitaldian parte hartzera.