“Araban, Bizkaian eta Gipuzkoan ez da egundaino aurkitu gurea baino frontoi zaharrago baten eraikuntzari buruzko idatzirik”, irakur daiteke Koldo Lizarraldek 2003an idatzi zuen Kalegoengo frontoi zaharra izeneko liburuan. 1751. urtean eraiki zuten frontoiak 262 urte daramatza leku berean, nahiz eta orain dela 150 urte, 1963. urtean, hain justu ere, hartu zuen gaur egun ezagutzen dugun itxura. “1963an, Gontzagako San Luis egunerako amaitu ziren berritze-lanak. Ezker-horma luzatu egin zuten, eta gaur egun ikus dezakegun moduan geratu zen. Horixe dio frontisaren gaineko plakak”, azaltzen du Lizarraldek frontoiari buruzko liburuan.
•Enpresekin negoziazioetan
Asegarce eta Aspe pilota enpresekin berba egin dutela azaldu du Alfredo Etxeberriak eta San Bartolome Egunean jokatu beharreko partidak Ikastolako frontoitik Kalegoeneko frontoi zaharrera lekuz aldatzeko ideia gustatu zaiela adierazi du alkateak. Alabaina, zenbait zehaztapen negoziatzekotan direla gaineratu du. Besteak beste, sarreren kontua argitu behar dute. Udalaren asmoa da 300 bat lagunentzako eserlekuak jartzea, eta horietan esertzeko sarrera ordaindu beharko da. Aldiz, partidak zutik ikusteko ez da ordaindu beharrik egongo. Halere, xehetasun guztiak lotu gabe daudela ohartarazi du. Partiduak jokatuko dituzten pilotari profesionalak enpresa batekoak ala bestekoak izango diren, esaterako, erabaki gabe dago artean. Jaialdi berean bi enpresetako pilotariak aritzeko aukera ere aztetzen dihardute.
Asegarce eta Aspe pilota enpresekin berba egin dutela azaldu du Alfredo Etxeberriak eta San Bartolome Egunean jokatu beharreko partidak Ikastolako frontoitik Kalegoeneko frontoi zaharrera lekuz aldatzeko ideia gustatu zaiela adierazi du alkateak. Alabaina, zenbait zehaztapen negoziatzekotan direla gaineratu du. Besteak beste, sarreren kontua argitu behar dute. Udalaren asmoa da 300 bat lagunentzako eserlekuak jartzea, eta horietan esertzeko sarrera ordaindu beharko da. Aldiz, partidak zutik ikusteko ez da ordaindu beharrik egongo. Halere, xehetasun guztiak lotu gabe daudela ohartarazi du. Partiduak jokatuko dituzten pilotari profesionalak enpresa batekoak ala bestekoak izango diren, esaterako, erabaki gabe dago artean. Jaialdi berean bi enpresetako pilotariak aritzeko aukera ere aztetzen dihardute.
•Eguraldi iragarpenari adi
Plazako frontoia estali gabea denez, eguraldiak baldintzatuko du pilota partidak bertan jokatu ahal izango diren ala ez. Egun batzuk lehenago eguraldi iragarpenei adi egongo direla azaldu dute agintariek, konfidantza baitute gaur egungo eguraldi iragarpenen fidagarritasunean. "Iragarpenei adi egongo gara eta hala jakingo dugu partidak frontoi batean edo bestean jokatu beharko diren", azaldu du Ricardo Garate Hirigintzako zinegotziak.
Plazako frontoia estali gabea denez, eguraldiak baldintzatuko du pilota partidak bertan jokatu ahal izango diren ala ez. Egun batzuk lehenago eguraldi iragarpenei adi egongo direla azaldu dute agintariek, konfidantza baitute gaur egungo eguraldi iragarpenen fidagarritasunean. "Iragarpenei adi egongo gara eta hala jakingo dugu partidak frontoi batean edo bestean jokatu beharko diren", azaldu du Ricardo Garate Hirigintzako zinegotziak.
Era berean, San Bartolome Eguna pasa arte ez dutela kioskorik jarriko plazan esan dute. San Bartolome Eguna zapatuan egokitu da aurten. Domekan, abuztuaren 25ean, Jubilatuen eta Umeen Eguna izango da eta astelehenean, abuztuaren 26an, ospatuko dugu Txiki Eguna.
Atzo amaitu zen, hain justu ere, Kalegoengo frontoian jokatu duten Lagunak pilota txapelketa. Benjamin mailako finalean, Unai Sanchezek 18-17 irabazi zion Harkaitz Maiorari. Alebinetan, berriz, Danel Zubizarretak eta Julen Urruzolak neurtu zituzten indarrak, eta Urruzola izan zen nagusi, 18-11ko emaitzarekin.
|
|
