Joan den astean ikasturtea amaitu ostean, udaldiari hasiera eman diote gaur herriko umeek, eta, horietako askok, Atxutxiamaikaren udako eskaintzarekin bat eginez, Udako Txokoetan hartuko dute parte datozen egunetan. Azken urteetan bezala, bi txanda izango dira Atxutxiamaikaren Udako Txokoetan. Lehenengoa ekainaren 24tik uztailaren 12ra arte izango da, eta uztailaren 15etik 26ra arte bigarrena.
Eguraldia lagun, herriko plaza eta bazterrak hartu dituzte gaur dozenaka haurrek eta hezitzaileek. Atxutxiamaikaren kamiseta ere banatu diete gaurko saioaren amaieran eta Lekueder parkean elkartu diren unea aprobetxatuz, familia argazkia atera diegu (goiko bideoan eta beheko argazkietan ikus dezakezuen moduan).
•Flasmob-a eta Zirkuarern Eguna
Iaz Atxutxiamaikaren kantua eta bideoklipa grabatu zituzten udalekuetan eta aurten, berriz, flashmob bat grabatzeko asmoa dutela jakinarazi dute Atxutxiamaikako arduradunek. Uztailaren 8an egingo dute grabaketa. Era berean, San Fermin Txiki Eguna (uztailaren 5ean), Umeentzako Txiki Eguna (uztailaren 22an) eta koskortuenentzako Zirkuaren Eguna ere antolatu dituzte, besteak beste. Aurrekoez gainera, herriko txoko ezberdinetara irteerak egingo dituzte ia egunero, eta, baita inguruko herrietara ere.
Iaz Atxutxiamaikaren kantua eta bideoklipa grabatu zituzten udalekuetan eta aurten, berriz, flashmob bat grabatzeko asmoa dutela jakinarazi dute Atxutxiamaikako arduradunek. Uztailaren 8an egingo dute grabaketa. Era berean, San Fermin Txiki Eguna (uztailaren 5ean), Umeentzako Txiki Eguna (uztailaren 22an) eta koskortuenentzako Zirkuaren Eguna ere antolatu dituzte, besteak beste. Aurrekoez gainera, herriko txoko ezberdinetara irteerak egingo dituzte ia egunero, eta, baita inguruko herrietara ere.
•ARGAZKIAK:
|
|
|
|
|
|
|
|
|
|
|
|
