San Bartolome jaietarako amaituko dituzte Pedro Migel Urruzuno kalea urbanizatzeko lanak

elgoibarren.net 2013ko eka. 27a, 10:56
Deskargatu Info Ahotsak :

 
Hasi da Pedro Migel Urruzuno kalea urbanizatzeko obren bigarren fasea. Iaz, Banco Guipuzcoano paretik Lorituaneko aldapa pareraino egin zituzten lanen jarraipena izango da oraingoa. Udal agintariek adierazi dute “San Bartolome jaietarako” amaituta egongo direla lanak.



Espaloiak, zorua eta argien sistema berrituko dituzte Pedro Migel Urruzuno kalean.

Lorituaneko aldapatik anbulatorio aurreko biribilguneraino dagoen Pedro Migel Urruzuno kaleko zatia urbanizatzeko lanak hasi ditu aste honetan Elgoibarko Udalak. Oinezkoentzat eta ibilgailuentzat egokituko dute tarte hori. “Kale osoak itxura berdina izango du lanak amaitutakoan”, esan du Rikardo Garatek. Iaz amaitu zituzten beste kale erdia urbanizatzeko lanen jarraipena izango dela gogora ekarri du Hirigintza zinegotziak. Izan ere, urbanizazio lanak bi zatitan banatu behar izan zituzten, Anbulatorio parean suak kiskali zuen orubean etxeak eraikitzeko egiten ari diren lanen ondorioz.
 Murgil eraikuntza enpresari esleitu zaizkio bigarren fase honetako lanak, 129.603 euroren truke (BEZ barne).
 
 
 
 
 
Gizartea Elgoibar