Gaur arratsaldean jokatuko dute Nahaste Borraste proba herrikoia

Kimetz elkarteak antolatzen du urtero Nahaste Borraste proba herrikoia, eta 16 urtez gorako edonork parte hartu dezake. Parte hartzaileek hiru probatan lehiatu behar izaten dute. Hasteko, zazpi kilometro inguru egin beharko dituzte bizikletan, eta ondoren, Kalegoen plazan 25 kiloko zakua bizkarrean hartu eta 400 metro egin behar izaten dituzte korrika, San Bartolome eta Errosario kaleetan barrena. Azkenik, 1.500 metroko ibilbidea osatu beharko dute antxintxika.
Izenemateak plazan bertan egin behar dira, lasterketa hasi aurretxoan.

 Iaz 54 lagunek parte hartu zuten lasterketan, tartean bi emakumezkok, Lendinez ahizpak hain zuzen ere. Aizpa zaharrena, Ainhoa, izan zen azkarrena 21:27 denborarekin. 

 

∞Azken urteetako irabazleak:

• 2012 koa, 2011koa eta 2010eko Nahaste Borrasteak Iñigo Larizek irabazi zituen, 2009koa David Condek, 2008koa Iñigo Larizek; Jose Antonio Ruizek 2007koa eta David Condek irabazi zuen 2006koa.