Jonathan Taborciak eta Markel Aramberrik goi mailako tenisa eskaini zutela finalean esan dute txapelketako arduradunek, 40 + 15 Tenis eta Padel elkarteko kideek. Finala ikustera Mintxetako tenis pistara hurbildu ziren ikusleek gogotik gozatu zutela bi tenislariek jokatu zituzten zenbait punturekin gaineratu dute. Azkenean, baina, Taborciak irabazi zuen partida bi setetan (6-3 eta 6-2). Azken bost urteetan ATP txapelketetan parte hartu gabe egon eta gero, goi mailako txapelketetara itzuli da aurten Taborcia. Bestetik, Markel Aramberri gazteak ezin izan zuen 2011n Elgoibarren lortutako garaipena errepikatu.
Gaztetxoen mailetako finalak ere jokatu zituzten domekan, Mintxetan. Hala, jubenil mailako finalean Koldo Lopez eibartarrak lortu zuen garaipena. Infantil mailakoen finalean, berriz, Paul Esteban elgoibartarra izan zen irabazlea. Azkenik, alebin mailako finalean Debako Jon Gandiaga nagusitu zen.
|
|
