Aitor Arrietak eta Alaitz Urkiolak,
Balcon de Bizkaia rallysprintean parte hartu ostean {joan den ekainaren 22an}, Oiongo rallysprintean parte hartzeko asmoa zuten abuztuaren 3an. Oiongo proba, baina, bertan behera geratu da.
Hortaz, Rallysprint-eko Euskal Herriko txapelketaren zortzigarren proba puntuagarria izan zen
Eibarko El Corte Inglés Rallysprintean parte hartzea erabaki zuten. Eta ez ziren batere gaizki moldatu. Sailkapen nagusiko bosgarren postuan sailkatu ziren eta lehen postuan euren mailan, bigarren klasean. Gipuzkoarren artean bigarren sailkatu ziren. Gainera, aste osoan autoarekin arazoak izan ostean lortu dituzte emaitza horiek. Autoak zer zuen ezin asmatuta ibili eta gero barixakuan, proba baino egun bat lehenago, konpondu zituzten arazoak.
Escudería Eibarrek antolatzen duen proban eginiko lanarekin oso gustura daude Arrieta eta Urkiola, eta dagoeneko hasi dira parte hartuko duten hurrengo proba prestatzen. Donostiako rallyan hartuko dute parte, irailean.
•BIDEOA: STRk Eibarko probako irudiekin egin duen ondorengo bideoan, 1:54 segundoan ageri da Aitor Arrietak gidatzen duen Renault Clio autoa.
