Mausitxako gazta hirugarrengoz garaile Legazpian

elgoibarren.net 2013ko ira. 3a, 14:29
Deskargatu Info Ahotsak :

Gipuzkoako Artzain Eguna ospatu zuten domekan Legazpin. Gazta lehiaketa prestigiotsua egiten dute bertan, Gipuzkoako Ardi Gaztaren Lehiaketa, hain justu ere. 29 gazta aurkeztu ziren guztira lehiaketaren 29. ediziora, eta Mausitxakoek aurkeztutakoari eman zion lehen saria epaimahaiak. 2007an eta 2009an ere irabazi zuten sari hau Elgoibarko gaztagileek, eta 2011koan bigarren egin zuen.


Argazkia: Goierriko Hitza.

Olaberriko Aizpea gaztandegiak eskuratu zuen bigarren saria Legazpian eta Joseba Insausti ordiziarrak aurkeztutako gaztak lortu zuen hirugarren saria. Mausitxa baserrikoek joan den otsailaren 25ean eginiko gazta aurkeztu zuten Legazpiko gazta lehiaketara, eta, datorren irailaren 11n egingo den Ordiziako gazta sariketara ere otsailean egindako gazta bat aurkeztuko dutela aurreratu dute. Mausitxakoek hiru alditan irabazi dute Ordiziako gazta lehiaketa prestigiotsua: 2005ean, 2007an eta 2009an. Aurten ere faboritoen artean izango dira, besteak beste, ohikoa baita Legazpian aurreneko postuetan ibili diren gaztak Ordizian ere nabarmentzea.
   Legazpiko Artzain Eguneko informazio osoagoa: goierri.hitza.info
 
∞Lotura duten albisteak:
 
 
 
 
Kultura Elgoibar