Emakumeek dituzten beharrak ezagutu nahi dituzte Elgoibarko Udaleko Berdintasun Saileko arduradunek, baldintza horiek hobetuz emakumeen partaidetza kirolean handitzeko. Bilera irekia da eta nahi duen orok hartu dezake parte.
Ainhoa Azurmendik gidatuko du gaurko bilera. Azurmendik eskarmentua du kirol esparruari eta generoari buruzko azterketen arloan, eta gaur egun Donostiako Udalarentzat lanean dihardu EMAK emakume kirolarien taldean.