Irailaren 25era atzeratu dute Pako Etxeberriaren hitzaldia

elgoibarren.net 2013ko ira. 18a, 14:10
Deskargatu Info Ahotsak :
es en fr

 
Pako Etxeberria auzi mediku entzutetsuak 36ko Gerran hildako gorpuzkinen deshobiratzeen inguruko hitzaldia eskaini behar zuen gaur (irailak 18), baina agenda kontuak direla-eta, antolatzaileek atzeratu egin behar izan dute hitzaldia. Irailaren 25ean, eguaztenean, eskainiko du hitzaldia Etxeberriak, musika eskolan.



 Aranzadi zientzia elkartea 2000. urtean hasi zen 36ko Gerran hildako gorpuzkinak deshobiratzen, eta ordutik gaur egunera arte 600 bat gorpuzkin aurkitu dituzte, 70 bat deshobiratzetan. Memoria historikoa berreskuratu eta egia ezagutzeko eginiko lan honi buruzko erakusketa jarri dute ikusgai Kultur Etxean, Elgoibar1936 taldekoen laguntzaz. Hilaren 22ra arte egongo da erakusketa bisitatzeko aukera.

1706637346691 Irailaren 25era atzeratu dute Pako Etxeberriaren hitzaldia

Pako Etxeberria auzi mediku eta Aranzadi zientzia elkarteko presidenteak gidatu ditu deshobiratze gehienak, eta tartean Elgoibarren egindako bi: Madariagan eta Zirardamendin. Etxeberriak deshobiratze horien atzean ezkutatzen denari buruzko hitzaldia eskaini behar zuen gaur Kultur Etxean, baina, hilaren 25era atzeratu dute.
  • BARREN aldizkarian (877. zenbakia PDFan) irakur dezakezue Pako Etxeberriari eginiko elkarrizketa.

∞Lotura duten albisteak:

Gizartea Elgoibar