Mailaz igotzeari uko egin behar izan zion Concepto Egilek iaz, ezin ziotelako lehenengo mailak eskatzen dituen gastuei aurre egin. Hortaz, bigarren mailan hasi du denboraldi berria ere. Aldaketa asko izan dira taldean. Entrenatzailea aldatzeaz gainera, jokalari dezentek laga zuten taldea eta beste horrenbeste dira taldera batu direnak. Aurten ere Liga txapelketa irabazteko faboritoen artean dago Concepto, baina horrenbeste aldaketa eta gero zalantzak zeuden nola erantzungo zuen taldeak estreinako partidan. Berritasunez aparte, denboraldiko bidaiarik luzeenetarikoa egin behar zuten, Guadalajaraino, hain justu ere. Conceptoko jokalariek kantxara atera orduko uxatu zituzten zalantza guztiak. Laugarren minutuan sartu zuen Raulek denboraldi berriko estreinako gola. Beste hamar etorriko ziren gero. Markagailuan aldea hartu zutenean lasaiago jokatu zuten gipuzkoarrek eta joko alaiagoa egiteko aukera izan zuten jokaldi landuak eta ikusgarriak eskainiz. Siguenzak lau gol bakarrik sartu zituen Conceptoren ate barruan. Markagailuan alde nabarmena zutela ikusita, jubenil mailako taldean diharduen Adrian debutarazi zuen Jota entrenatzaileak.
•Zapatuan lehen partida etxean
Era berean, Debabarrena klubeko arduradunek jakinarazi dute zabalik dagoela abonuak egiteko aukera. 50 euroko kostua du abonu bakoitzak eta opari bat jasoko du trukean.
Era berean, Debabarrena klubeko arduradunek jakinarazi dute zabalik dagoela abonuak egiteko aukera. 50 euroko kostua du abonu bakoitzak eta opari bat jasoko du trukean.