Bizikleten bigarren eskuko merkatuan parte hartu nahi duten herritarrek izena eman beharko dute miriam@elgoibar.net helbidean edo 943 741 050 telefonoan, saldu edo trukatu nahi duten artikulua edo artikuluak zehaztuta. Era guztietako irristailuak eta bizikletak onartuko dituzte: trizikloak, aisialdikoak, mendikoak, profesionalak… eta baita osagarriak (kaskoak, eskularruak,…) ere. Urriaren 11n amaituko da epea.
•Salgaien zerrenda Udalaren webgunean
Elgoibarko Udalak saldu edo trukatuko diren salgaien zerrenda argitaratuko du Udalaren webgunean (www.elgoibar.org), urriaren 15etik 19ra. Jendea parte hartzera animatzeko, bi bizikleta zozketatuko dituzte, bat izena ematen dutenen artean, eta bestea, zerbait erosten edo trukatzen dutenen artean. Bizikleten Bigarren eskuko merkatua urriaren 19an egingo da Lekueder parkean, 10:00etatik 14:00etara.
Era berean, Gobike dendako Iban Gonzalezek bertara eramaten dizkioten bizikletak aztertu eta puntuan jarriko ditu, doan. Iban Gonzalez berak, bizikleta normal batetik abiatuta nola egin daitekeen bizikleta elektriko bat erakusteko saioa eskainiko du, 13:00etan, Lekuederren. Aurrekoez gainera, Emugiko bizikleta eta ibilgailu elektrikoak probatzeko aukera egongo da. Azken hori, 18 urtetik gorako herritarrei zuzendutako ekimena da.
Bizikletaren erabilera eta oinezkoen mugikortasuna sustatzeko antolatu du Elgoibarko Udalak Mugikortasun Iraunkorraren Astea.
Bizikletaren erabilera eta oinezkoen mugikortasuna sustatzeko antolatu du Elgoibarko Udalak Mugikortasun Iraunkorraren Astea.
∞Lotura duten albisteak:
- Bizikletaren erabilera sustatuko dute mugikortasun iraunkorraren astean (2012-10-11)
- Lanera eta eskolara bizikletaz (2012-10-17)
- Patineteak aparkatzeko konponbidea (2012-10-18)